Перспективы вхождения узбекистана в

Адабиётлар рўйхати 
1.
Ўзбекистон Республикаси Президентининг “Ўзбекистон Республикасини янада 
ривожлантириш бўйича Ҳаракатлар стратегияси тўғрисида”ги 2017 йил 17 февралдаги ПФ-
4947-сонли Фармони. // Ўзбекистон Республикаси қонун ҳужжатлари тўплами, 2017 йил 6-
сон. 
2.Ўзбекистон Республикаси Президенти Шавкат Мирзиёевнинг Олий Мажлисга 
Мурожаатномаси. 28.12.2018й. Халқ сўзи газетаси, 29.12.2018 йил. 
3.Ўзбекистон Республикаси Вазирлар Маҳкамасининг «Самарқанд вилоятининг туризм 
салоҳиятидан самарали фойдаланиш ва уни ривожлантириш бўйича қўшимча чора-тадбирлар 
тўғрисида»ги махсус Қарори. 2019 йил 30 сентябрь. № -828. Қонун ҳужжатлари маълумотлари 
миллий базаси, 30.09.2019 й., 09/19/828/3829-сон 
 
САМАРҚАНД ВИЛОЯТИ БАЪЗИ ТАРИХИЙ-МАДАНИЙ ТУРИСТИК 
ОБЪЕКТЛАРНИНГ МОЛИЯВИЙ-ИҚТИСОДИЙ КЎРСАТКИЧЛАРИ ТАҲЛИЛИ 
Махмудов Собир Худойбердиевич
Самарқанд тиббиёт институти ўқитувчиси 
 
Самарқанд вилоятида жами 1607 та тарихий-маданий мерос объектлари мавжуд.
Шулардан 975 та археология маданий мерос объекти, 562 та архитектура, 36 та монументал 
санъат ёдгорлиги ва 34 та диққатга сазовор жойлар
1
. Самарқанд вилоятидаги жами тарихий-
маданий мерос объектлари Республикамизда мавжуд тарихий-маданий мерос объектларининг 
қарийб 20 фоизини ташкил этади. Шу нуқтаи назардан айтишимиз мумкинки, Самарқанд 
вилояти республика вилоятлари ичида тарихий-маданий туризм салоҳияти бўйича асосий 
ўринда туради.
Айниқса, Самарқанддаги Гўр Амир ва Бибихоним мақбаралари, Улуғбек расадхонаси, 
Регистон ансамбли жаҳон ҳамжамияти эътиборидаги тарихий-маданий туризмнинг асосий 
1
Худойбердиев Ў., Тўхтаев Д. Маданий мерос объектлари нега ижорага берилмаяпти?// Zarafshon// .2019 йил. 19-октябрь. 

---

162 
объектлари ҳисобланади. Кўплаб кишилар ушбу тарихий ёдгорликларни зиёрат қилиш 
истагида бўлишади. Самарқанд вилоятида туризм бизнесининг ривожланиши, хорижлик 
туристлар оқими ва туризм хизматларини экспортини кенгайтириш тармоқда янги иш 
ўринларининг яратилиши аҳолининг бандлик даражасининг ўсишига, меҳмонхоналар, 
сайёҳларни жойлаштиришнинг бошқа воситалари ва туризм фаолияти билан шуғулланувчи 
бошқа субъектларнинг сони кўпайишига олиб келади. Америка Қўшма Штатларидаги нуфузли 
“The Haffington post” нашри томонидан Самарқанд шаҳри жаҳондаги инсон ўз умри давомида 
албатта бориб кўриши шарт бўлган 50 та шаҳарлардан бири деб эълон қилиниши, кўплаб 
хорижий туристларни янада жалб этиш имконини яратади. Самарқанд вилоятида тарихий-
маданий ёдгорликдардан ташқари, инсоният эътиқод қиладиган буюк авлиёларнинг юрти ҳам 
саналади. Жумладан, жаҳон цивилизацияси ўчоқларидан бўлган Миср, Юнонистон, Италия, 
Хитой, Саудия Арабистони каби давлатлар зиёрат туризми бўйича етакчилик қилиб келмоқда. 
Шуни таъкидлаб ўтиш ўринлики, Самарқанд, шаҳри зиёрат туризми бўйича дунёнинг ҳар 
қандай мамлакатлари билан тенглаша оладиган салоҳиятга эга.
Шу мақсадда Самарқанд вилоятидаги тарихий-маданий объектлардан фойдаланиш 
ҳолатини аниқлаш учун уларнинг молиявий-иқтисодий кўрсаткичлари таҳлил этилди. 
Гўр Амир мақбараси Самарқанд шаҳрини 2500 квадрат метр майдонни эгаллаган. 
Даромадини асосан хорижий ва маҳаллий сайёҳларнинг ташрифидан тушган тушум ташкил 
этади (1-жадвал).