Pеdаgоgikа. Psiхоlоgiya” fanidan O’quv-uslubiy majmua

Laboratoriya ishlarini tashkil etish bo’yicha ko’rsatmalar
Fan bo’yicha laboratoriya ishlari namunaviy o’quv rejada ko’zda tutilmagan.
Kurs ishini tashkil etish bo’yicha uslubiy ko’rsatmalar
Fan bo’yicha kurs ishi namunaviy o’quv rejasida rejalashtirilmagan.
Mustaqil ta’limni tashkil etishning shakli va mazmuni
“Pedagogika.Psixologiya» fanini o’qitishda mustaqil ta’lim alohida ahamiyatga ega. Mustaqil ta’lim talabalarni ma’ruza va seminar mashg’ulotlar davomida olgan nazariy va amaliy bilimlarini yanada mustahkamlashga va mavzularni tushunish qobiliyatini maksimal darajada rivojlantirishga, umumiy dunyoqarashini kengaytirishga yordam beradi.

Mustaqil ishning asosiy shakllari bo’lib, referat yozish, konspekt tayyorlash, nazorat ishi, ma’ruza matnini yozish, internetdan foydalanib, fanga oid bo’lgan yangi ma’lumotlarni olish, tarjima qilish va boshqalar. Mustaqil vazifalarning mazmuni, soatlar taqsimoti va nazorat usullari yetakchi o’qituvchi tomonidan belgilanadi.

Talaba mustaqil ishining asosiy maqsadi - o’qituvchining rahbarligi va nazoratida muayyan o’quv ishlarini mustaqil ravishda bajarish uchun bilim va ko’nikmalarni shakllantirish va rivojlantirish. Talaba mustaqil ishini tashkil etishda quyidagi shakllardan foydalanadi:

- ayrim nazariy mavzularni o’quv adabiyotlari yordamida mustaqil o’zlashtirish;

- berilgan mavzular bo’yicha axborot (referat, taqdimot) tayyorlash;

- nazariy bilimlarni amaliyotda qo’llash;

• 
  maxsus adabiyotlar bo’yicha fanning bo’lim yoki mavzulari ustida ishlash;
  
• 
  talabalarning o’quv-ilmiy tadqiqot ishlarini bajarish bilan bog’liq bo’lgan fanning bo’lim va mavzularini chuqur o’rganish;
  
• 
  keys-stadilar va o’quv loyihalarini mustaqil bajara olish;
  

- faol va muammoli o’qitish uslubidan foydalaniladigan o’quv mashg’ulotlarini o’zlashtirish;

- ilmiy maqola, tezislar, turli ilmiy anjumanlarga ma’ruza tayyorlash va h.k.

Mustaqil ishni tashkil etish bo’yicha uslubiy ko’rsatma va tavsiyalar, keys-stadi, vaziyatli masalalar to’plami ishlab chiqiladi. Unda talabalarga asosiy ma’ruza mavzulari bo’yicha amaliy topshiriq, keys-stadilar yechish uslubi va mustaqil ishlash uchun vazifalar belgilanadi.