«pedagogika» kafedrasi fani bo’yicha O’quv-uslubiy majmua tuzuvchilar

ПЕДАГОГИКА тарихИ

Фаннинг назарий (лекция) машғулотлари мазмуни

Асосий қисм

Педагогика тарихи фан ва ўқув предмети сифатида

“Педагогика тарихи” фанининг мақсади, вазифалари, устувор тамойиллари, мазмуни. “Педагогика тарихи” ўқув фани сифатида. “Педагогика тарихи” фани ғояларининг кишилик жамияти тараққиёт билан ўзаро алоқадорлиги. Ўзбекистон Республикаси Президенти И.А.Каримов таълим-тарбия жараёнида миллий мерос, педагогик қадриятлардан самарали фойдаланишнинг ижтимоий аҳамияти ҳақида. Таълим-тарбия ва педагогика тарихини даврлаштириш муаммолари.

Энг қадимги даврлардан VII асргача таълим-тарбия ва педагогик фикрларнинг ривожланиши. Энг қадимги ёдгорликларда шахс тарбиясига оид фикрларнинг ифодаланиши. Қадимги даврларда ижтимоий тарбиянинг шаклланиши. Шахс тарбиясига оид илк фикрларнинг кишилик фаолияти билан боғлиқлиги. Ибтидоий жамиятда ташкил этилган тарбиянинг ўзига хос хусусиятлари.

Халқ ижодиёти намуналари (афсоналар, қўшиқлар, “Ўгитнома”лар)да ибтидоий ахлоқ-одоб ва таълим-тарбияга оид масалаларнинг ифодаланиши. Қадимги давлатлар – Сўғдиёна, Бақтрия, Хоразмда таълим-тарбиянинг ривожланиши ва педагогик фикрларнинг шаклланиши.

Энг қадимги ёзма манбаларда таълим-тарбия масалаларининг ёритилиши. “Авесто” – энг қадимги маърифий ёдгорлик. Қадимги сўғд, хоразм, уйғур ва туркий-рун ёзувларининг таълим-тарбияни ривожлантиришдаги ўрни. Ўрхун-Энасой ёдгорликлари ва уларнинг маърифий аҳамияти. Култегин, Билга ҳоқон, Тунюқуқ битикларида таълим-тарбия масалаларининг ўзига хос ёритилиши. Туркий халқларнинг дастлабки савод мактаблари.

Сомонийлар давлатида ёшларга ҳарбий-жисмоний тарбия бериш. “Ойиннома” – ҳарбий-жисмоний таълим-тарбияга оид дастлабки дидактик асар сифатида.