Pedagogika javoblar Korreksion pedagogika fani va uning dolzarb masalalari

192. Oila bilan olib boriladigan ijtimoiy-pedagogik faoliyat
Oila shaxs tarbiyasida boshqa ijtimoiy institutlar bilan taqqoslaganda birinchi darajali rolni bajaradi. Chunki, aynan oilada individual qobiliyatlar, shaxsiy, kasbiy qiziqishlar, axloqiy normalar shakllanadi. Oila omili insonga butun unum davomida ta’sir etadi. Ijtimoiy jihatdan oila inson turli ijtimoiy rollarni egallaydigan jamoa hisoblanadi. Oila insonning o’z-o’zini belgilab olishga, uning ijtimoiy-ijodiy faolligini oshishiga yordam beradi.
Ijtimoiy pedagog va oila o’rtasidagi shartnoma biznes yoki nikoh shartnomasiga o’xshamaydi. Bu holatda tomonlar moddiy emas, balki axloqiy majburiyatlarga ega bo’lishadi va bu rasmiy hujjat bilan tasdiqlanadi. Shartnoma bo’yicha hamkorlik oilani shartnoma shartlarini ishlab chiqishda, qarorlar qabul qilishda faol ishtirok etishini ta’minlaydi. O’smirlar va o’spirinlar bilan ishlashda shartnomaning tuzilishi ularning mutaxassis bilan munosabatlariga jiddiy xarakter berishi bilan ijobiy jihatlarga ega.
Asosan xorij amaliyotida qo’llaniladigan uzoq muddatli ish shakllari psixoijtimoiy yondoshuvga asoslanishadi va to’rtoydan ortiq vaqtni talab qiladi.
Psixoijtimoiy yondashuvning asosiy vazifalari biror bir vazifani bajarishga odatlantirish qilish orqali oilaviy tizimni o’zgartirish, oilaga ta’sir qiluvchi boshqa ijtimoiy tizimlardagi holatlarni o’zgartirishdan iborat. Oiladagi ijtimoiy pedagogik faoliyat tizimli yondashuvga asoslangan taqdirdagina samarali bo’lishi mumkin. U demografiya, ijtimoiyogiya, ijtimoiy psixologiya, pedagogika (oilaning tarbiya funksiyasi), huquq, iqtisod (oila byudjeti), etnografiya, tarix va falsafa ma’lumotlarini o’rganishni va ulardan foydalanishni ko’zda tutadi.
193. Mustaqillik yillarida ijtimoiy-reabilitatsion muassasalaming tubdan yangilanishi.
Bolada nuqson bo`lishiga qaramay uning qo‘lidan keladigan ish turini unga o`rgatib, o`qitib, tarbiyalab, jamiyatda o`z o`rnini topib ketishga yordam berish-ijtimoiy reabilitatsiya deyiladi. Mustaqillik yillarida ko’plab Go’daklar uyi,Bolalar uyi, Maktab-internatlar, maxsus maktablar, xospislar, ijtimoiy yordam va ijtimoiy reabilitasiya markazlari tashkil etildi. Rivojlangan mamlakatlarda "Maxsus ta`lim zaruriyati" nomli hujjatga javoban SVR-Reabilitatsiya tashkiloti tashkil etildi. Tashkilot nogironlar jamiyati, nogironlar oilalari, Sog`liqni saqlash vazirligi, Ijtimoiy ta`minot vazirligi hamda kasaba uyushmalarining vakillarini o`z ichiga qamrab olgan. Uning asosiy maqsadi — jismoniy yoki psixik rivojlanishida nuqsoni bo`lgan bolalarni himoyalash, huquqlarini tiklash, vakolat berish, ta`lim-tarbiya tizimini shakllantirish, jamiyat va rahbariyat diqqatini bu narsaga jalb etishdir. Chegaralangan imkoniyatlarga ega bo`lgan bolalar uchun tashkil etilgan talim tizimida birinchi navbatda bolaning ijobiy tomonlari, qobiliyati hisobga olinadi, kamchiliklari o`rganiladi, talablari aniqlanadi. Ushbu ta`lim tizimida ma’lum sharoit yaratilishi lozim