Pеdagogika fanining prеdmеti, maqsadi va vazifalari. Pеdagogikaning ilmiy-tadqiqot mеtodlari

Mavzuga oid pedagogic masala:

6 sinfda adabiyot darsi ketyapti. Doskada Komil Isayev javob bermoqda. Uni barcha bolalar diqqat bilan tinglashmoqda. Javob beruvchi tutilib yoki bir oz adashib qoldi deguncha darrov barcha qo’llar yuqoriga ko’tariladi. Juda betoqatlari esa xatto ikkala qo’lini ham havoga silkitib ko’targani-ko’targan, ular o’z o’rtoqlarining javobini diqqat bilan tinglashayotganliklarini va uning xatosini darxol tuzatishga tayyor ekanliklarini o’qituvchilarining ko’rishini juda-juda istashadi. Komil tez-tez xatolikka yo’l qo’ya boshladi, sarosimaga tushib, gapidan adashib ketaveradi.

Bolalar o’rtog`ining javobini to’ldirishga, to’g`rirog`i, unga xalaqit berishlariga o’qituvchi dastlab qarshilik ko’rsatmadi, ammo oxirida chidab tura olmadi va bolalarning eng betoqatlariga javobni tuzatish va to’ldirish uchun ruxsat berdi. Komil endi o’z javobi bilan emas, ko’proq sinfdagi vaziyat bilan band bo’lib qolgandi. U tez-tez adashib, so’zlarni xam cho’za boshladi va tezda xafsalasi pir bo’lib, tamoman jimib qoladi.

- Xo’sh, azizim, javobni qanday yaxshi boshlagan eding, nega qo’qqisdan jimib qolding? Bolalar senga qanday yaxshi yordam berishdi.Yana darsni oxirigacha o’qimabsan-da!.

.Biologiya darsi. Iroda Kamolova javob beryapti. Sinfda jim-jitlik. Bu qanaqa sokinlik? Irodaning javobini o’rtoqlari tinglashyaptimi (ayrimlari tinglashyapti, qolganlari-chi? keling, yaxshisi sinf bolalarini bir kuzatib ko’raylik.

Mana uchta o’quvchi, ular o’qituvchining navbatdagi savolini payqab, darslikni varaqlashyapti. Bir nechtalari nigohlarini derazaga qadashgan chexralarida chuqur o’ychanlik va orzular og`ushiga cho’kishgan. Boshqalari tarix kitobini sekingina ochib, bundan keyingi darsga tayyorlana boshlashdi. Ikki qiz dars mazmunidan juda uzoq bo’lgan narsa, qandaydir buyumlar xaqida «ko’z urushtirib gaplashmoqda». Xullas, sinfdagilarning aytarlik yarmidan ko’pi o’zlari partada o’tirishgan bo’lishsa xam, xayollari allaqayerlarda sayr qilib yuribdi.