Pedagogika fakulteti psixologiya kafedrasi

O`quv fanining maqsadi va vazifalari

Faning o`qitishdan maqsad- bo`lg`usi pedagoglar, oilashunoslar, pedagogika va psixologiya ixtisosligi bo`yicha o`qiyotgan yoshlarning oilaviy hayot qonuniyatlariga oid bilimlarini kengaytirish, aniq ilmiy asoslangan va amaliyotga bog`langan bilan tushuncha va tasavvurlar bilan qurollantirish, tanlagan ixtisosliklari bo`yicha malakalarini yanada mustahkamlash, islohotlar jadallashgan bir sharoitda yoshlarni erkin demokratik, huquqiy jamiyat quruvchi fuqarolarda ilk ma’naviy-mafkuraviy qadriyatlar shakllanadigan ijtimoiy instittu hisoblanmish oilaga nisbatan to`g`ri ustanovkalarni shakllantirishdan iboratdir.

Fanning vazifasi- bakalavrlarni oila psixologiyasi kursining asosiy mazmunini tashkil etuvchi ilmiy tushunchalar, oilaviy o`zaro munosabatlarga oid qonuniyatlar, mamlakatimizda oilani mustahkamlashga yo`naltirilgan davlat siyosatining tub mohiyati bilan tanishtirish, oilaviy hayotni muvofiqlashtirish, har bir o`quvchining oilasi, ota-onalari bilan ishlaganda zarur bo`ladigan mexanizmlarning xususiyatlarini tushunishlariga ko`mak berishdan iboratdir. “Oila psixologiyasi” kursi bo`yicha o`tkaziladigan nazariy va amaliy mashg`ulotlardan ko`zlangan maqsad – talabalarni oila muammolari borasida teran mustaqil fikrlashga, bilganlarini hayotda va pedagogik faoliyatda qo`llay bilishga o`rgatishdir.