Pedagogika fakulteti mt yo‘nalishi 181-guruh talabalarining 16-sonli Maktabgacha ta’lim muassasasi faoliyati bilan tanishish maqsadida hamda “Teatr – ma’rifatga elituvchi yo‘l” mavzusida o‘tkazilgan ma’naviy-ma’rifiy tadbir

“Tasdiqlayman”

Pedagogika fakulteti

Yoshlar bilan ishlash bo‘yicha

dekan muovini _______ X.Siddiqov

Pedagogika fakulteti MT yo‘nalishi 181-guruh talabalarining 16-sonli Maktabgacha ta’lim muassasasi faoliyati bilan tanishish maqsadida hamda “Teatr – ma’rifatga elituvchi yo‘l” mavzusida o‘tkazilgan ma’naviy-ma’rifiy tadbir

BAYONNOMASI

2021-yil 16-yanvar	Pedagogika fakulteti Qatnashdilar: MTM mudirasi, tarbiyachilar jamoasi, 23 nafar tarbiyalanuvchi, guruh murabbiyi N.Quchqorova, 181-guruh talabalari.

KUN TARTIBI:

Maktabgacha ta’lim yo‘nalishi talabalarining maktabgacha ta’lim muassasalari bilan hamkorlikda ma’naviy – ma’rifiy tadbirlar o‘tkazish
ESHITILDI:

Pedagogika fakulteti Maktabgacha ta’lim yo‘nalishi 181-guruh talabalari guruh murabbiyi N.Quchqorova bilan birgalikda 2021-yil 16-yanvar kuni Urganch shahrida joylashgan 16-sonli Maktabgacha ta’lim muassasasiga tashrif buyurdilar. Muassasa mudirasi hamda tarbiyachilar jamoasi tashrif buyuruvchilarni xush kayfiyat bilan kutib oldilar.

Shundan so‘ng guruh murabbiyi N.Quchqorova bugungi muassasaga tashrifdan maqsadlari haqida qisqacha ma’lumot berdi.

16-sonli Maktabgacha ta’lim mudirasi muassasa haqida ko‘plab ma’lumotlar bilan talabalarni tanishtirib o‘tdilar. So‘zi davomida muassasada jami 6 ta guruh mavjud bo‘lib, ularning har biri tarbiyalanuvchilar yosh xususiyatlariga mos ravishda tashkillashtirilganligi haqida aytib o‘tdi. 181-guruh talabalari N.Quchqorova boshchiligida tarbiyalanuvchilar bilan tanishish, kundalik mashg‘ulot jarayonlari va tarbiyalanuvchilarning psixologik, aqliy, jismoniy rivojlanish xususiyatlarini o‘rganish maqsadida alohida guruhlarga kirib ular bilan o‘zaro muoqotda bo‘ldilar.

Shundan so‘ng 181-guruh talabalari tomonidan yosh tomoshabinlar uchun sahnalashtirilgan “O‘tinchi chol“ va “ Laqma bo‘ri ” ertaklari namoyish qilindi. Muassasa tarbiyalanuvchilarida sahnalashtirilgan qo‘g‘irchoq teatri juda katta taassurotlar qoldirdi. Muassasa mudirasi bundan keyin ham talabalarning muassasaga tashrif buyurib turishlari va bunday sahna asarlarini tarbiyalanuvchilarga yanada ko‘proq namoyish qilishlarini tashkillashtirishlari haqida aytib o‘tdi.

Muassasaga amalga oshirilgan tashrif davomida guruh talabalari o‘zlari uchun kerakli bo‘lgan ko‘plab ma’lumotlarga ega bo‘ldilar va katta taassurotlar bilan tashrifni yakunladilar.

Kun tartibidagi masala yuzasidan

QAROR QABUL QILINDI:

1. 
   Guruh murabbiysi N.Quchqorova va MTM mudirasining muassasa haqida bildirgan fikrlari ma’lumot sifatida qabul qilinsin.
   
2. 
   Guruh talabalari bundan keyin ham ko‘proq o‘qib-o‘rganishda va izlanishda bo‘lib bunday tadbirlarni yanada ko‘proq tashkillashtirishga harakat qilishsin.
   

Guruh murabbiysi: N.Quchqorova.