4.2. Мудира ишининг мазмуни:
а) мудиранинг маъмурий хўжалик ишлари.
Мудира МТМнинг бутун фаолиятига раҳбарлик қилиб, у ободонлаштириш, кўкаламзорлаштириш ишларига раҳбарлик қилади. Смета бўйича ҳаражатларни тўғри тақсимлаш, муассасасини бой озиқ-овқат моддалари билан таъминлаш, режимни тўғри ташкил этиш, режа бўйича МТМни болалар билан тўлдириш, таълим-тарбия дастурининг бажарилиши учун жавобгар, ёзги соғломлаштириш ишлари, таомнома сифатини витаминга бой бўлган моддалар билан таъминлаши (камида ҳафтада 2 марта), хамир овқатлари (булочка, печенье), педагогик ва хизмат кўрсатувчи ходимларнинг билими, ишга нисбатан муносабати, уларни малакасини ошириш ишлари бўйича бош раҳбардир.
Мудира болалар ҳаётини сақлаш, мухофаза қилиши учун болалар муассасасида тўғри режим жараёнлари, шарт-шароит яратади. Санитария ва гигиеник қоидаларнинг бажарилишига, ёнғинга қарши тадбирлар ўтказади. Қишга бой озиқ-овқат ва маҳсулотларини ғамлайди. Витаминга бой бўлган мевали ўсимликларни ўстиради. МТМ ходимлари ўз вақтида ойлик маош билан таъминланади. Ишчиларнинг меҳнат интизомига қатьий риоя қилишларини назорат қилади. Иш юритишни қаттиқ назорат қилади. Бўш гуруҳларни ходимлар билан ўз вақтида таъминлайди. Фаол ходимларни рағбатлантиради. МТМда ўтказиладиган жорий, капитал ремонтга бош раҳбардир. Молиявий-хўжалик ишлари бўйича жавобгар шахс, озиқ-овқат маҳсулотлари бўйича жавобгар шахс, кир ювувчи, боғбон, дурадгор, фаррош, қоровул, электрик, сантехник, шофер билан яккама-якка суҳбат ўтказади. Уларнинг ишлари устидан қаттий назорат ташкил этади.
Мудира боғчани керакли техникавий ва хўжалик материаллари билан мунтазам равишда таъминлаб туриш, бинони жиҳозлаш билан (қаттиқ ва юмшоқ инвентарлар) жиҳозлаш, бинони ўз вақтида ремонт қилиш ва ўқув-кўргазмали қуроллари билан тўлдириб бориши, турли ёш гуруҳи учун программа - методик ҳужжатларда тавсия этилган, уларнинг физиологик, аклий, ахлоқий, меҳнат, эстетик тарбиялаш мақсадида болалар бадиий адабиёти ва педагогик адабиётлар билан таьминлаш, болалар майдончаси ва участкасини тўғри режали жиҳозлаш, кадрларни жойлаштиришда уларни болалар билан ишлаш стажига қараб, ходимларнинг индивидуал хусусиятларини ҳисобга олиши, врач билан биргаликда медицина ишларини назорати ва болаларни системали медицина кўригидан ўтказиш ишлари киради.
Молиявий-хўжалик ва бошқа фаолияти, жамоада ижодий, маънавий-рухий муҳит яратилиши учун қонунда белгиланган тартибда шахсий жавобгардир.
Do'stlaringiz bilan baham: |