Педагогика 5111800 Мактабгача таълим

1.3. Таълим тўғрисида Қонун ва Кадрлар тайёрлаш Миллий
дастурда мактабгача таълимнинг мақсад ва вазифалари.
Ҳозирда болаларни мактабгача таълимга жалб этиш 20% ни ташкил этмоқда. Таълим тўғрисидаги Қонуннинг II моддаси мактабгача таълимга бағишланган. «Мактабгача таълим» бола шахсини соғлом ва етук, мактабда ўқишга тайёрланган тарзда шакллантириш мақсадини кўзлайди. Бу таълим олти-етти ёшгача оилада, болалар боғчасида ва мулк шаклидан қатьий назар бошқа таълим олиб борилади» дейилади.
Кадрлар тайёрлаш Миллий Дастурининг мақсади ҳам комил инсон тарбиясига қаратилган. Мактабгача тарбия Канцепциясида: мактабгача тарбиянинг таркибий ва мазмунини қайта кўришганча фикрлайдиган ўзбек халқининг миллий анъаналари, қадриятлари, халқ ижодиётининг ўзига хослиги, тилда ўз аксини топувчи тафаккур хусусиятлари халқ педагогикасининг улкан тажрибаси оиладаги ўзаро муносабат, миллий ўз-ўзини англаш, бошқа халқ маданиятидаги ижобий хусусиятларини уйғунлаштириш масалалари, мактабгача ва оила таълимида ҳал этилади.
Соғлом авлод учун дастури 1993 йилда қабул қилинди. Мақсади: болаларни илк ёшдан ҳар томонлама жисмонан, руҳан, маънавий тарбиялашдан иборат. Бунга асосан:

1. 
   болалар боғчаларида таьлимда тарбия мазмунини такомилаштириш;
   
2. 
   болалар муассасаларида басейн, сув ҳавзалари турли спорт иншоотлари ва тўгаракларни ташкил этиш;
   
3. 
   илғор иш тажрибаларини ўрганиш, ва оммалаштириш;
   
4. 
   халқ миллий ўйинларини ишлаб чиқиш ва амалиётга татбиқ этиш;
   
5. 
   болаларнинг соғлиғини сақлаш, муҳофаза қилиш, чиниқтириш ишларини ташкил этиш устидан назорат қилишни кучайтиришдан иборат.
   

Мактабгача таълим бўйича асосий иш ҳужжатлари:

1. 
   Мактабгача тарбия тўғрисидаги Концепция (-Т., 2008).
   
2. 
   Мактабгача таълим муаммолари тўғрисидаги Низом (-Т., 2007).
   
3. 
   Учинчи минг йи лликнинг боласи Дастури (-Т., 1999).
   
4. 
   Таълим тўғрисидаги Қонун (-Т., 1997).
   
5. 
   Кадрлар тайёрлаш Миллий Дастури. (-Т., 1997).
   
6. 
   Мактабгача таълим соҳасида чиқарилган фармон, буйруқ, фармоийишлар, кўрсатмалар, йўриқномалар, директив ва меъёрий ҳужжатлар.
   
7. 
   Мактабгача ёшдаги болалар ривожланишига қўйиладиган Давлат талаблари (-Т., 2008).