Pedagogika 017, 4-son Bosh muharrir

Umaraliyev Ziyohiddin Rustamovich,
Nizomiy nomidagi TDPU kasb ta’limi fakulteti 3-bosqich 
talabasi. E-mail: [e-mail]
 
*
Begimqulov Hasanboy Shukurboy o‘g‘Ii,
Nizomiy nomidagi TDPU kasb ta’limi fakulteti 
kompyuter grafikasi va dizayn yo‘nalishi 3-bosqich talabasi. E-mail: [e-mail] 
 
1
“Ta’lim to‘g‘risida” O‘zbekiston Respublikasi Qonuni. Barkamol avlod – O‘zbekiston kelajagining 
poydevori. – Toshkent: 1998. – B. 21; O‘zbekiston Respublikasi “Kadrlar tayyorlash Milliy dasturi”. 
– Toshkent, 1997. 
Z. Umaraliyev 
*
 
 
 
H. Begimqulov 
*
 
YOSH TADQIQOTCHILAR MINBARI 

---

PEDAGOGIKA 
2017, 4-son
 
 
123 
“Kadrlar tayyorlash milliy dasturi” to‘liq amalga oshishidan ko‘zlangan 
maqsadlarning naqadar ezgu ekanini inobatga olsak, bugungi kunga kelib o‘qitish 
tizimlarining har bir jabhasida ilg‘or texnologiyalardan foydalanish zarurati 
alohida dolzarblik kasb etayotganini sezish qiyin emas. Hammamiz guvohimizki, 
ta’lim tizimiga zamonaviy axborot texnologiyalarining jalb etilishi tobora ortib 
borayapti. Buni ko‘plab maxsus ta’lim muassasalari, akademik litseylar, kasb-
hunar kollejlari va yetakchi oliy o‘quv yurtlari hamda akademiyalar misolida 
ko‘rish mumkinki, ayni kunlarda ulardagi o‘quv jarayonini, masalan, bilim olish 
samarasini o‘zgartirishga sarflanadigan vaqtning keskin qisqarishida va bilimlarni 
xotirada olib qolishning keskin ortishida namoyon etuvchi multimedia 
vositalarisiz tasavvur etib bo‘lmaydi. 
Biz axborot asrida yashayapmiz. Mutaxassislarning fikricha, keyingi yuz yil 
ichida axborot tezligi bir necha ming baravar oshdi.
Hozirgi axborot makonida uyg‘oq fikrli inson voqea-hodisani har 
tomonlama, chuqur va teran anglamog‘i lozim. Bu borada ko‘plab mamlakatlar 
qatori O‘zbekistonda ham keng qamrovli ishlar amalga oshirilmoqda. 
Elektron ma’lumotlar bo‘yicha ijtimoiy munosabatlarni tartibga solishda 
“Elektron raqamli imzo to‘g‘risida”, “Axborotlashtirish to‘g‘risida”, “Elektron 
tijorat to‘g‘risida”, “Elektron hukumat to‘g‘risida”gi, “Davlat hokimiyati va 
boshqaruv organlarining ochiqligi to‘g‘risida”, “Elektron hujjat aylanishi 
to‘g‘risida”gi qonunlar va boshqa qator Hukumat qarorlarining ahamiyatini aytib 
o‘tish o‘rinli. 
Mamlakatimizda har bir insonning axborot olishi, to‘plashi va tarqatishi 
qonunan kafolatlangan, ammo olayotgan va tarqatilayotgan har qanday axborot 
ishonchli, xavfsiz va xolis bo‘lishi, davlat va jamiyat manfaatlariga ziyon 
yetkazmasligi kerak. 
Ma’lumki, an’anaviy usuldagi axborot xuruji vositalaridan qadimgi davrdan 
bugungi kungacha keng foydalanib kelinmoqda. Dastlab diplomatlar, jarchilar 
orqali yoki oddiy aholi o‘rtasida tarqatilgan mish-mishlar “axborot urushi”ning 
muhim komponentlari sanalgan. Keyinchalik bu borada bosma va elektron 
axborot vositalari, adabiyot va san’at asarlaridan foydalanish urf bo‘lgan. 
Bugun ana shu qadimiy va an’anaviy vositalar qatoriga ijtimoiy tarmoqlar, 
messenjerlar, elektron o‘yinlar, targ‘ibot roliklari kirib keldi. 
Xalqaro Elektroaloqa ittifoqining 2016-yil 22-iyuldagi ma’lumotiga ko‘ra 
dunyoda 3,5 milliard kishi, ya’ni sayyoramiz aholisining qariyb yarmi internetdan 
foydalanmoqda va bu ko‘rsatkich tobora ortib bormoqda. Ayni paytda dunyoda 

---