Pedagogika 015, 6-son Muassis: Nizomiy nomidagi Toshkent

 

---

PEDAGOGIKA
2015, 6-son
 
 
131 
 
 
MA’RIFATGA YО‘G‘RILGAN KITOB 
Jonajon universitetimizning 80 yillik tо‘yi arafasida safdoshim, filologiya 
fanlar doktori, professor H. Homidiyning atoqli olimlarning ilmiy-pedagogik 
faoliyatiga bag‘ishlangan “Ustozlar sabog‘i – aql chirog‘i” deb nomlangan asari 
bosmadan chiqdi. 
Mazkur asarni men anchadan buyon intiqlik bilan kutgan edim, chunki 
unda H. Homidiy aytgandek, fanning turli sohalari – pedagogika, psixologiya, til, 
adabiyot, fizika, kimyo, matematika, biologiya, falsafa, tarix, astronomiya, 
geografiya sohalarida ijod qilgan, ayni vaqtda pedagogika institutida muallimlik 
qilgan ustozlar tо‘g‘risida sо‘z yuritish rejalashtirilgan edi. Shuni ta’kidlashim 
lozimki, men H. Homidiydan ana shu ustozlarning deyarli hammasini tanir edim, 
ma’ruzalarini eshitganman, о‘zaro suhbatlashganman. 
Shu sababli men adabiyotshunos olim H. Homidiy turfa dongdor 
olimlarning ijodiy va pedagogik faoliyatini qanday yoritar ekan deb bir 
tomondan, qiziqdim, ikkinchi tomondan, havotirga ham tushdim. Kitob bilan 
tanishgach, bekorga havotirlanganim, ma’lum bо‘ldi va H. Homidiy о‘z oldiga 
qо‘ygan vazifani a’lo darajada uddalaganligiga ishonch hosil qildim. 
Tahlil qilinayotgan asar ikki bо‘limdan tashkil topgan. Uning birinchi 
bо‘limi “Ustozlarim – mehribonlarim” deb nomlangan. Ushbu bо‘limda XX 
asrning ikkinchi yarmidagi ilm darg‘alari, о‘z sohalarida maktab yaratgan ajoyib 
ustozlar, pedagoglarning ijodiy faoliyati yoritilgan. Mazkur bо‘lim ajoyib ustoz, 
pedagogika institutida 19 yil rektor bо‘lgan о‘sha paytda tarix fanlari nomzodi, 
dotsent, tarix fanlari doktori, professor, О‘zbekistonda xizmat kо‘rsatgan fan 
arbobi Shopulat Shoakbarovich Abdullayevning ilmiy-pedagogik, rahbarlik 
faoliyatini yoritishdan boshlangan. Bu tushunarli va tabiiy, chunki bu bо‘limdan 
о‘rin olgan barcha atoqli olimlar ilmiy-pedagogik faoliyatini kо‘p yillar 
davomida professor Abdullayev bilan hamjihatlikda olib borgan. Men rektordan 
5 oy keyin, 1952-yil fevral oyida institutga о‘qituvchi bо‘lib kelganman. О‘sha 
davrda pedinstitutda 350 atrofida о‘qituvchi bо‘lib, ular orasida 5 kishi fan 
doktori, professor, 30tasi fan nomzodi, dotsent edi, xolos. Qolgan 
о‘qituvchilarda ilmiy daraja ham, ilmiy unvon ham bо‘lmagan. Shu sababli yangi 
ishga kelgan rektor о‘z faoliyatining dastlabki kunlaridan boshlab pedagogika 
institutida olib boriladigan ta’lim-tarbiya sifatini oshirish, bо‘lajak maktab 
о‘qituvchilarini zamon talablariga javob beradigan qilib tayyorlash ilmiy daraja