Pedagogik texnologiyalarning turlari va klassifikatsiyasi Reja

1.Pedagogik texnologiyalarni turlari (umumiy, xususiy metodik, universal, modulli kichik texnologiyalar).
Oliy maktab faoliyatining hozirgi nazariyasi va amaliyotida o’quv-tarbiya jarayonini amalga oshirish va olib borishning ko'plab variantlari mavjud. Har bir muallif hamda amaliyotchi pedagogik jarayonga o'zining individual ulushini qo'shadi. Lekin ko'p texnologiyalar o'z maqsadalari, mazmuni, qo'llanadigan metodlari va vositalari bo'yicha etarlicha ko'p o'xshashliklarga ega va ularni shu umumiy belgilariga ko'ra tasnif qilish mumkin.
Pedagogik texnologiyalarni quyidagi belgilariga ko'ra tasnif qilinadi:

• 
  qo'llanish darajasiga ko'ra;
  
• 
  falsafiy asosi bo'yicha;
  
• 
  asosiy rivojlantiruvchi omili bo'yicha;
  
• 
  o'zlashtirish kontseptsiyasi bo'yicha;
  
• 
  shaxsiy belgi-sifatlariga ko'ra yo'nalganligi bo'yicha;
  
• 
  mazmun xususiyatlari bo'yicha;
  
• 
  boshqaruv turi bo'yicha;
  
• 
  bolaga yondashuv bo'yicha;
  
• 
  ko'p qo'llaniladigan metodlari bo'yicha;
  
• 
  ta'lim oluvchilar toifalari bo'yicha.
  

Pedagogika nazariyasi va amaliyotida ta'lim-tarbiya jarayonida ko'plab yondashuvlar mavjud. Pedagogik texnologiyalarni xarakteri ana shu yondashuvdan kelib chiqadi. Pedagogik texnologiyalar o'z mazmuni, maqsadi, metodlari va vositalariga ko'ra bir-biriga o'xshash. Ularni bir necha turga ajratish mumkin.