Pedagogik sinflarni tashkil etishning nazariy asoslari

Umumiy o‘rta taʼlim maktablarining 10-11-sinf o‘quvchilari uchun “Pedagogik sinflar” tashkil etish” vazifasi qo‘yilgan. Bu o‘rinda ushbu tizimda quyidagi mexanizmlarni ishlab chiqish taqazo etadi:
- Pedagogik sinflarni tashkil etishning nazariy asoslari;
- “Pedagogik sinflar” tushunchasining mazmuni;
- Pedagogik sinflarni tashkil qilishning amaliy xususiyatlari;
- Pedagogik sinflarni tashkil qilishning metodologik omillari;
-umumiy o‘rta taʼlim o‘quvchilarini pedagogik kasbiga yo‘naltirish metodlari;
- Pedagogik sinflarda mashgʼulotlarni o‘tkazish mexanizmlari.
Pedagogik sinflar – bu innovatsion pedagogik tizim bo‘lib, ular umumiy o‘rta taʼlim maktablari 10-11-sinf o‘quvchilarini “pedagog kasbiga yo‘naltirish” maqsadida quyidagicha tashkil etiladi:
- viloyatlar xalq taʼlimi boshqarmalari bilan kelishilgan holda umumiy o‘rta taʼlim maktablari tanlanadi;
- “Pedagogik sinflar” mashgʼulotlar mavzulari tuziladi;
- mashg‘ulotlar o‘quvchilarning bo‘sh vaqti va ular uchun qulay vaqtlarda o‘tkaziladi;
- mashg‘ulotlarni oliy taʼlim muassasalari professor-o‘qituvchilari olib boradi.
Tashkil etiladigan “Pedagogik sinflar”ning asosiy vazifalari:
- o‘quvchilarni pedagog kasbiga qiziqtirish va yo‘naltirish;
- o‘quvchilarga pedagogik maʼrifat berish;
- pedagogik kasbining mazmun-mohiyati va uning jamiyatdagi o‘rni to‘g‘risida tushuncha berish;
- “Pedagogika” fanining asoslari bo‘yicha boshlangʼich bilim berish;
- pedagogik tushunchalar, bilimlar va uslublar bo‘yicha suhbatlar, treninglar,
so‘rovnomalar hamda testlar o‘tkazish;
- professor-o‘qituvchilarga o‘quvchilarni “Ustoz-shogird” tizimi asosida shakllantirish.
“Pedagogik sinflar” o‘quvchilarga qo‘shimcha bilim berish, ularni kasbga yo‘naltiruvchi aniq tizim va vositadir. Shu sababli mazkur innovatsion pedagogik tizim imkoniyatlaridan oqilona foydalanish kerak bo‘ladi.
“Pedagogik sinflar” mashgʼulotlari Dasturini mazmunli ishlab chiqish bugungi kun talablaridan biridir. Bizningcha mashgʼulotlar mavzularini tanlashda quyidagilarga eʼtibor qaratish lozim deb o„ylaymiz:
- “Pedagogika” atamasining mazmun-mohiyati va “pedagogika” fanining tarkibi haqida;
- “Pedagogika tarixi” to„gʼrisida tushuncha va allomalarning taʼlim-tarbiyaga oid
fikrlari haqida;
- “Pedagogika nazariyasi” haqida tushuncha va uni o„rganishning ahamiyati
to„gʼrisida;
- pedagog kasbining ahamiyati va unga qo„yiladigan talablar haqida;
- “Pedagogik mahorat” haqida tushuncha va pedagogik mahoratga ega bo„lish asoslari
to„gʼrisida;
- “Pedagogik uslublar” to„gʼrisida tushuncha berish;
- “O„qitishning kredit – modul tizimi” haqida;
- “Pedagogik tadqiqotchilik“ asoslari haqida.
Ushbu tushunchalar o„quvchilarga interfaol metodlardan foydalangan holda amaliy
mashgʼulotlar orqali, suhbat, trening, test, so„rovnomalar, rolli o„yinlar ko„rinishida,
innovatsion yondoshuv asosida mashgʼulotlar olib boriladi.
Mashgʼulotlar mazmuni amaliy ko„nikmani shakllantirishga yo„naltirilgan bo„lishi
taʼlim sifatining samaradorligiga erishishiga zamin yaratadi. Shu jihatdan mashgʼulotlarda
o„quvchilarga tanqidiy fikrlashga, ilmiy dunyoqarashini namoyon qilishiga, ijodkorlik
ko„nikmalarini rivojlantirishga amaliy yordab berib, pedagoglik kasbiga yo„naltiriladi.
Shunday qilib, “pedagogik sinflar” o„quvchilarni pedagog kasbiga qiziqtirish,
yo„naltirish va bu kasbni targʼibot qilishning nayob tizimidir.