“Педагогик назокат ва одоб-аҳлоқ”

Дарс жараёнида ташкил қилинган мулоқот характери (уйғун, сермаҳсул, енгил, расмий; ёки мажбурий, зўрма-зўраки мулоқот).

• Дарс жараёнида ташкил қилинган мулоқот характери (уйғун, сермаҳсул, енгил, расмий; ёки мажбурий, зўрма-зўраки мулоқот).
• Таълим-тарбиявий вазифаларни ҳал этиш, ўқувчилар билан ўзаро муносабатларни ташкил қилиш учун мулоқотни бошқариш самарадорлиги (тезкорлик, назокатлилик, мулоқотда ўз шахсий услуби самарадорлигини ҳис қилиш, ўзаро мулоқот ва таъсир ўтказиш методлари бирлигини ташкил қила олиш малакаси; ёки мулоқотдан таълим-тарбиявий таъсир қуроли сифатида етарлича фойдалана олмаганлик).
• Нутқ (ёрқин ва жарангдор, образли ва интонацияли, чуқур ҳиссиётга берилиш билан, оддий ва бетараф, босиқ ва вазмин гапириш; ёки ифодалилиги кам, таъсирчанликнинг йўқлиги, бетараф, йўриқномавий-идоравий ).
• Мимика (ифодали, тетик ва дадил, ёрқин кўринишга эга бўлиш, ташқи кўринишнинг педагогик мақсадга мувофиқлиги, ҳис туйғуларга бой, босиқ ва вазмин кўринишни юзда акс этиши).
• Пантомимика (ифодали ва таъсирчан ҳаракат, ёқимли инсон, севимли устоз сифатида ўзлигини намойиш эта олиш, ҳис туйғуларга бой, босиқ ва вазмин бўлиш, бетараф, беўхшов ҳаракатлардан сақланиш).

Ёш ўқитувчиларнинг касбий-педагогик дилкашлигини ўрганиш Дастури  

• Ўзингизда кишилар билан мулоқотга эҳтиёж сезасизми?
• Ёлғиз ўзингиз қолганингизда зерикасизми, одамлар орасида бўлишни истайсизми, ёки аксинча, ёлғиз қолишдан қониқиш ҳосил қиласизми?
• Кўчада танишингизни кўриб қолсангиз, у билан гаплашиш истаги пайдо бўладими, ёки эҳтимолий суҳбатдан қочишни истайсизми?
• Таниш дўстларингиз кўпми?
• Нима деб ўйлайсиз, танишларингиз сиз билан мулоқотдан завқ олишадиларми?
• Зарурият юзасидан нотаниш кишилар билан осон мулоқотга кириша оласизми?
• Телефонда узоқ гаплашасизми (дўстларингиз, танишларингиз, ҳамкасбларингизга қараганда)?
• Сизда баъзан шундай ҳолат бўладими: масалан, жамоа билан доимий мулоқот қилишдан чарчагансиз, ёлғиз ўзингиз қолишни истайсиз, аммо бир неча сония вақт ўтмасдан, сиз яна кишилар ва дўстларингиз билан мулоқот қилишга эҳтиёж ҳис қиласизми?
• Баъзан танишларингиз ҳақида ўйлаганингизда улар билан гаплашиш истаги пайдо бўладими ва суҳбатнинг лозим бўлган мавзуси ҳам топиладими?