“pedagogik mahorat” ilmiy-nazariy va metodik jurnal 021, Maxsus son issn 2181-6883

Key words: M.V.Lomonosov, Perm State Academy of Pharmacy, Practical Training, St. Petersburg 
University of cinema and television, Kemerov State University Angero-Sudzhensk branch, Physical Culture 
and sports. 
Kirish.
Sport – bu millatning oʻzligini anglashda, uning aniq maqsadlar sari jipslashuvi va birlashuvida, 
oʻzidagi bor salohiyatini hamda qudratini jahon uzra namoyon boʻlishida muhim ahamiyat kasb etadi. Shu 
nuqtayi nazardan olib qaraganda, mamlakat sportini rivojlantirish dolzarb va nihoyatda muhim masaladir. 
Zero, jismonan baquvvat va sog’lom millat qudratli boʻladi, uning davlati har tomonlama mustahkam boʻlib, 
buyuk taraqqiyot sari rivojlanib boradi. 
Barkamol avlod tarbiyasida jismoniy madaniyat va sport qanchalik muhim omil ekanligini, hozirgi 
kunda hukumatimizni sportga g’amxoʻrligidan va davlat siyosati darajasiga koʻtarilganligidan ham anglash 
mumkin. Jumladan, Prezidentimiz Sh.M.Mirziyoyevning 2017-yil 3-iyun PQ–3031-son “Jismoniy tarbiya va 
ommaviy sportni yanada rivojlantirish chora-tadbirlari toʻg’risida”gi, 2018-yil 5-martdagi PQ-3583-son 
“Oʻzbekiston Respublikasi Jismoniy tarbiya va sport vazirligini tashkil etish toʻg’risida”gi, 2018-yil 5-iyuldagi 
507-son “Oʻzbekiston Respublikasi Jismoniy tarbiya va sport vazirligi huzuridagi jismoniy tarbiya va sportni 
rivojlantirish jamg’armasi faoliyatini tashkil etish toʻg’risida”gi Qarorida hamda 2018-yil 5-martdagi PF-
5368-son “Jismoniy tarbiya va sport sohasida davlat boshqaruvi tizimini tubdan takomillashtirish chora-
tadbirlari toʻg’risida” Farmonida ta’kidlanishicha biz bugun sport sohasida “Umid nihollari”, “Barkamol 
avlod” va Unversiada musobaqalari bilan chegaralanishimiz kerak emas. Iqtidorli oʻsmir va qizlarni tanlab 
olish va tarbiyalash boʻyicha jiddiy seleksiya ishlarini amalga oshirish zarur. Bu sport tashkilotlari, ta’lim 
muassasalari va ota-onalar zimmasiga ulkan mas’uliyat yuklaydi. Iqtidorli oʻg’il va qizlarni tanlash, ularni 
sinov-tajribalaridan oʻtkazish va yetuk darajadagi sport mahoratlarini tarbiyalashda ilg’or pedagogik tajribalar 
innovastion texnologiyalar, ma’naviy va moddiy jihatdan ta’minot (seleksiya tarmog’i) yuqori darajadagi 
tibbiy mezoniy xizmatlarni yanada kuchaytirishga toʻg’ri keladi deyilgan. 
Asosiy qism.
Maqolaning dolzarbligi shundaki, bugungi kunda talabalarning “Jismoniy madaniyat va 
sport” oʻquv sohasi orqali jismoniy madaniyatni oʻzlashtirish jarayoni davomida ularning jismoniy rivojlanish 
dinamikasini chuqurroq oʻrganish, shuningdek, talabalarni salomatligi, jismoniy imkoniyatlari darajasiga 
muvofiqlikda jismoniy madaniyatini shakllantirish boʻyicha shaxsga yoʻnaltirilgan, aniq maqsadni koʻzda 
tutuvchi dasturlarni xorijiy tajribalarga asoslanib ishlab chiqish zaruriyati vujduga kelmoqda. Jismoniy 
madaniyatni shakllantirishga ana shunday yondashish faoliyat samaradorligini oshirishga asos boʻladi.