Махсус сиртқи Педагогика психология йўналиши 3-курс талабалари учун Педагогик конфлектология фанидан оралиқ назорати топшириқлари 1- mavzu: Pedagogik konfliktologiyaning mohiyati, obyekti, predmeti, maqsadi, vazifalari
2- mavzu: Pedagogik konfliktologiyaning fanlar bilan aloqadorlikda rivojlanishi
3- mavzu: Konflikt inson hayotining ajralmas tarkibi sifatida: konfliktogenlar
4- mavzu: Nizo, uning mazmuni va turlari
5- mavzu: Konflikt signallari
6- mavzu: Agressiya va zo‘ravonlik haqida tushuncha.
7- mavzu: Konfliktli vaziyatda g‘azab va qahr
8- mavzu: O’qituvchi va o’quvchilar orasidagi konfliktlar.
9- mavzu: Ta’lim muassasasi rahbari hamda xodimlar va o’qituvchilar orasidagi konfliktlar.
10-mavzu: Konfliktli vaziyatlarni hal etishda oilaning roli
11- mavzu: Jamoadagi konflikt va uni yechimga olib kelish yo‘llari
12- mavzu: Pedagogik konfliktologiyada tana zaboni
13- mavzu: Muomala madaniyati va to‘g‘ri muloqot qoidalari
14- mavzu: O‘zgani anglash (eshitish) va o‘zini anglatish qoidalari
15- mavzu: Konfliktlarni boshqarish tartiblari va usullari
16- mavzu: Konfliktlarni bartaraf etishda “Men-tasdiqlar” (Men-murojaat) usuli
17- mavzu: Konfliktda “G‘olib-G‘olib” strategiyasi va uning amal qilish tamoyillari
18- mavzu: Ziddiyatlar yechimida adolatparvarlik mezonlari
19- mavzu: Pedagogik konfilektologiyada tolerantlik tushunchasi va mediatsiya qoidalari
20- mavzu: Pedagogik konfliktlarni hal etish yo’llari va usullari
1- mavzu: Pedagogik konfliktologiyaning mohiyati, obyekti, predmeti, maqsadi, vazifalari Режа: Педагогик конфликтология фанининг мақсади, вазифалари, объекти ва предмети.
Педагогик жараён ва конфликтлар.
Конфликтология.
Зиддиятни юзага келтирувчи вазият.
Ҳаёт конфликтларга тўла. Инсоннинг жамиятдаги яшаш тарзини турли зиддиятларсиз тасаввур этиб бўлмайди. Турли низо ва зиддиятлар билан умр давомида, ҳар қандай ёшда, ҳар жойда, ҳар қандай вазиятда тўқнаш келиш мумкин. Конфликтлар уйда, мактабда, кўчада, ўқувчилар орасида, ота-оналар ва фарзандлар, ҳодим ва унинг раҳбарияти орасида, жамоа аъзолари ўртасида содир бўлиши мумкин. Конфликтлар, одатда, кўп вақт одамлар бирга бўладиган ҳолларда, яъни улар узоқ муддат бир-бирлари билан психологик ва руҳий мулоқотда бўладиган ҳолларда, улар маълум муддат ўзаро бирга бўлишга мажбур бўлган пайтларида кўпроқ содир бўлади.
Ҳеч бир инсон ўзини конфликтлардан доимий муҳофаза қилинган деб ҳисоблай олмайди. Чунки конфликтлар баъзан қўққисдан, ҳеч кутилмаган ҳолда вужудга келиши ҳамда инсон ҳаёт тарзини тубдан ўзгартириб юбориши мумкин. Конфликт ҳар бир инсон ҳаётининг ажралмас қисми бўлиб, ҳеч бир инсон конфликтлардан ўзини “кафолатланганман” деб ишонч билан айта олмайди. Ҳар биримиз болалик даврларимиздан конфликт вазиятларга тушамиз ва бу ҳолатлардан чиқиб кетиш йўл ва усулларини қидирамиз. Шу нуқтаи назардан қараганда, конфликт ижтимоий ходиса ҳисобланади. Чунки у кўпчилик инсонларнинг кундалик турмуш тарзига оид воқеа ва ҳодисаларни қамраб олади ҳамда конфликт ривожидан ҳар бир инсон, яқин қариндошлар, меҳнат жамоаси ўртасидаги тинч ва тотувликка асосланган осуда ҳаёт тарзи зарар кўриши мумкин.
Улғайганимиз сари конфликт воқеа, ҳодисалар ўз кучи ва таъсирини ҳам кучайтириб боради. Аммо биз конфликт нималигини биламизми?! Ҳар доим ҳам конфликт вазиятга тушиб қолганда ўзимизни тўғри тутамизми? Конфликт бизнинг ҳаётимиз учун таҳдид кўрсатадими? Конфликтнинг ўз ички табиати қандай? Конфликтдан қандай қутилиш ва ёки ундан қандай чиқиб кетиш керак? Зиддият қандай қонуниятлар асосида ривожланади? Низони ривожлантирувчи омилларни олдиндан бартараф этса бўладими? Инсон зиддиятларсиз яшашга ўрганиши мумкинми?!
Мана шундай саволлар кўпчиликни ўйлантириши табиий. Ҳар бир инсон конфликтлар билан тўқнаш келиши аниқ бўлганлиги сабабли конфликтлар ҳакида кенг билимларни тарбиялаш ва шакллантириш муҳим педагогик аҳамият касб этади. Шу боис конфликтлар тўғрисида ҳам назарий билимлар, ҳам амалий кўникмаларга эга бўлиш ҳозирги замонда ёшларни мустақил ҳаётга тайёрлаш ҳамда жамиятда ўз ўрни ва мавқеига эга бўлишида зарур эҳтиёжлардан бўлиб, ана шундай билимларни тарғиб этиш давримизнинг долзарб вазифаларидандир.
