Педагогик жамоада руҳий зўриқишни олдини олиш тренинги. Мақсад

Тинчлантирувчи ва релаксация:
Иштирокчилар курсига қулай ва эркин ўтириб, бош, елка, бел, оёқ қисмларига мўлжалланган ҳаракатлар ва нафас машқи ўтказилади. Кайфиятни кўтарувчи куй намойиш этилади.
1-машқ:
“Қадрли лахзалар” машқи (10 мин)
Тренер иштирокчиларга: Бир суткадаги қайси вақт сиз учун қадрли ва нима учун? деган савол билан мурожаат қилади .Хар бир қатнашчи ўз фикрини айтиши таклиф этилади. Машқ давомида улар ўзлари учун қадрли лаҳзалар ҳақида ва уни ҳамиша қадрлаш кераклигини хис этишади.
2-машқ:”
Автобусдаги бола” муаммоли вазият (15мин)
Вазиятни тўлиқ идрок этишлари учун қулай ўтиришлари таклиф этилади.
Мақсад:
Қайсар, худбин , салбий оғишишга мойиллиги бор ўқувчининг хулқ атворини тузатишга бўлган педагогик – психологик махоратларини аниқлаш ва ривожлантириш.
Кўрсатма:
Хона марказига стул ўрнатилиб, иштирокларга тасаввур қилинг автобусда қайсар, ўжар , агрессив ҳулқ атворга эга бўлган безори ўқувчи ўтирибди. Унинг исми Ахрор. Атрофида кекса ёшли кишилар тик туриб кетишяпти.Сиз Ахрорни жойидан қўзғотиб, катталарга жой беришга ундашингиз керак. Психолог изохлайди.
3-машқ
Ёмғир машқи (10 мин)
Мақсад:
Кайфиятни кўтариш , тасаввурни кенгайтириш, ўқитувчиларни фаоллаштириш, гуруҳда илиқ муносабатларни яратиш.
Кўрсатма:
Иштирокчилар айлана шаклида ўтирадилар. Жимлик ҳукм суриши керак. Бошловчи “ ҳозир сиз ёмғир товушини эшитасиз, лекин бунинг учун менинг ҳаракатларимни такрорлашингиз керак,”-дейди.
Бошловчи ўртада туриб ҳар бир иштирокчининг олдига келади ва унинг кўзига қараб, муайян ҳаракатларни бажариб кўрсатади. Ҳар бир иштирокчи токи бошловчи бутун даврани айланиб келиб бошқа ҳаракатни кўрсатмагунча шу ҳаракатни бажариб туриши зарур.
Ҳаракатлар :

• 
  кафтларни бир-бирига ишқалаш
  
• 
  бармоқларни қирсиллатиш;
  
• 
  тиззаларни шапатилаш;
  
• 
  оёқларни дўпиллатиш;
  
• 
  енгилгина сакраш.
  

Тренер томонидан муҳокама килинади.