Педагогик институтлари учун дарслик

Информатикада нимани ва қандай ўқитиш керак деган саволга жавоб олиш учун, аввало ушбу фан ривожининг ҳозирги босқичда информатикани ўқитиш вазифаларини аниқ белгилаб олиш лозим. Ушбу вазифалар барча умумилмий фанлар учун умумийдир. Шунинг билан бирга узлуксиз таълим тизимида информатикани ўқитиш концепцияси ва давлат таълим стандартларига асосан бу вазифаларни информатикани ўқитишдаги ўзига хос томонларини таҳлил этиш лозим. Информатика ўқитиш мазмунини аниқлашда информатиканинг фан ва иккинчи томондан ўқув предмети эканлиги ҳақидаги тасаввурлардан келиб чиқиш керак. Информатика фани ва ўқув предмети бир-биридан аввалам бор мазмунининг ҳажми ва чуқурлиги билан фарқ қилади. Информатика ўқув предмети информатика фанидан ўқувчиларда информатика ҳақида бир бутун, яхлит билимлар тизимини ҳосил қиладиган ва келажак амалий фаолиятларида зарур бўладиган маълумотларнигина олади. Информатика ўқув предмети сифатида ўқув дастурлари ва дарсликларда ўз аксини топади. Информатика ўқув предмети таркибига киритилган ўқув материалининг ҳажми тўғрисидаги масала ҳал этилгандан сўнг, ушбу ўқув материали ўқувчиларга қандай кетма-кетликда етказиб бериш мақсадга мувофиқ эканлигини аниқлаш лозим. Информатика ўқитиш услубиётининг ҳусусиятларидан бири ўқувчиларни информатиканинг мазмунини ва унга хос илмий изланиш усулларини эгаллаш, амалий билимлар ва иш кўникмаларини олишнинг усул ва йўлларини белгилаш лозим. Буларга ўқув материалини ўрганиш усуллари ва замонавий педагогик ва психологик тадқиқотлар асосида ўқув машғулотларини ташкил этиш шакллари киради. Информатикадан машғулотларни самарали ўтказиш учун тегишли материал база, яъни махсус жиҳозланган информатика хонаси бўлиши лозим. Ҳавфсизлик технологиялар конфигурациясининг самарадорлиги замонавий талабларни ҳисобга олган ҳолда ушбу масалаларни бирлаштириш информатика ўқитиш услубиётининг яна бир масаласини ташкил этади. Ва ниқоят, информатика ўқитиш услубиётининг масалалари қаторига, аниқроғи, унинг махсус қисмига, информатика курсининг барча бўлимларининг уларни баён қилиш маҳоратини нуқтаи назаридан қараб чиқиш киради. Информатика ўқитиш услубиётини «Информатика» ўқув предметини ўқитиш учун ўқув-методик, дастурий, ташкилий ва техник таъминотни тадқиқ этиш ва ишлаб чиқиш билан шуғулланадиган, педагогика ва информатика фанининг бир шахобчаси сифатида қараш мумкин.