Педагогик атамалар луғати

Омилкорлик – муайян касб доирасида қўлланиладиган белгиланган 
стандартга амал қилиш лаёқати. 
Она тили ва адабиёт хонаси – она тили ва адабиёт фанини ўқитишда дарс 
ва дарсдан ташқари машғулотларни самарали ташкил этишга қаратиб махсус 
жиҳозланган ўқув хонаси. 
Она тили Давлат таълим стандарти – она тили таълим мазмуни ва ушбу 
ўқув предмети бўйича ўқувчилар эгаллайдиган билим, кўникма, малакаларга 
қўйилган талабларни давлат томонидан тасдиқланган эталони, модели. 
Она тили ўқитиш методикаси – 1) Она тили таълими назарияси ҳамда 
методикаси бўйича талабаларга муайян билим, кўникма, малакалар ҳосил қилишга 
йўналтирилган ўқув фани; 2) Она тили ўқитиш методикаси хусусий 
педагогиканинг асосий соҳаси. 
Она тили ўқув фани – тил қонун қоидаларини ўргатиш ва ўқувчилар нутқини 
ривожлантиришга қаратилган ўқув предмети. 
Оналар мактаби – Францияда 2 ёшдан 6 ёшгача бўлган болалар 
муассасалари.

---

- 53 - 
53 
Онг – руҳий фаолиятнинг олий кўриниши. 
On–line воситаси – таълим жараёнида компьютер Интернет тармоғига 
уланган вақт давомида қўлланадиган ўқитиш воситаси. 
Онтогенез – (грек. мавжудлик, ривожланиш, вужудга келиш) – педагогика 
фанида боланинг жисмоний ва психик ривожланиши. 
Операцион ўйинлар – тегишли иш жараёни, уларни бажариш шарт-
шароитини моделлаштириш, муайян операцияларни бажариш, усулларни 
ўзлаштиришга асосланган таълимий ўйинлар.
Оптималлаштириш (қулайлаштириш) –  мувофиқлаштирилган энг яхши, 
қулай, кутилган самарани берадиган таълим тарбия жараёнини вужудга келтириш. 
Ор – хижолат тортиш, уялиш, номус қилиш. 
Оралиқ назорат – ўқитувчиларнинг ўқув фани маълум бир бўлимини 
ўзлаштирганликларини текширувчи назорат тури.