Педагогик атамалар луғати

Де брифинг – амалга оширилган фаолиятни ўрганиш ва фикрлаш даври. 
Девиант хулқ-атвор – жамиятда қабул қилинган меъёрларга зид бўлган 
алоҳида ҳатти-ҳаракатлар тизими. 
«Деворсиз мактаб» – театр, музей, суд зали, кўргазма, лаборатория ҳамда ишлаб 
чиқариш устахоналарида ташкил этиладиган ўқув жараёни. 
Декан –  олий ўқув юртида факультет раҳбари. 
Детерминант – дастлабки асос, фикр, нуқтаи назар. 2) математик тушунча. 
Дефектология – жисмоний ва руҳий нуқсонли болалар ривожланишининг 
психофизиологик хусусиятларини ўрганиш, уларга махсус таълим-тарбия бериш, 
ундаги нуқсонларни бартараф этиш қонуниятларини ўрганувчи фан. 
Дефиниция –  муайян педагогик тушунча ҳақидаги қисқача таъриф. 
Диагностика – таълим жараёни, ўқитувчи ҳамда ўқувчи фаолиятининг 
муайян қиррасини ўрганиш мақсадида амалга ошириладиган текшириш. 
Диайрезис – ақлий ташхис 
Диалог – икки киши; масалан, ўқитувчи ва ўқувчилар орасидаги мулоқот. 
Дидактик материал – ўқувчиларга таълим-тарбия беришга йўналтирилган 
махсус ўқув материаллари. 
Дидактик талаблар уйғунлиги – ўқитувчиларни ўқувчилар ўқув фаолиятини 
бошқариш, машғулотларни уюштириш ва ўтказиш жараёнига уйғунлик тарзда
ёндашуви.
Дидактик тизим – таълим мазмуни, уни ташкил этишнинг шакл, метод, 
жараёнлари ва ўқитиш мақсадларидан иборат тизим. 
Дидактик эксперимент методи – борлиқни ўзгартириб, унинг ички 
қонуниятларини ўрганиб, унга таъсир этишнинг самарадор усулларини аниқлашга 
қаратилган тадқиқот методи. 
Дидактик ўйинлар – таълим олувчиларларнинг билим, кўникма ва 
малакаларини ривожлантиришга қаратилган махсус таълимий ўйинлар. 
Дидактик адабиёт – 1) ахлоқий-таълимий, илмий-фалсафий, диний билимлар 
ва ғоялар бадиий талқин қилинган панд насиҳат йўналишидаги китоб. 2) Ўқув 
адабиёти. 
Дидактик бирлик – қўшиш, кўпайтириш, конспектлаштириш, сана ва 
сўзларни эсда сақлаб қолиш, тест ўтказиш, оптималлаштириш усуллари.