Pedagogik amaliyot hujjatlari

TAVSIFNOMA
9-“B” sinf o‘quvchisi Mamurjonova Madina sinfda faol o‘quvchilardan biri bo‘lib, fanlardan har doim a’lo baholarga o‘qiydi va choraklik yakunlarini ham faqat
besh baholar bilan tugatadi. Fanlar ichida ona tili va adabiyot, matematika, fizika, kimyo, biologiya fanlariga juda qiziqadi va “Yosh ijodkorlar” to‘garagining faol a’zosi. 2019-2020 o‘quv yilida o‘tkazilgan bilimlar bellashuvida ona tili va adabiyot fani bo‘yicha faxrli ikkinchi o‘rinni egallashga muyassar bo‘lgan.
Mamurjonova Madina maktab va sinf jamoat ishlarida ham faol ishtirokchi, uning a’lochiligi, jamoatchiligi, tashkilotchi va tashabbuskorligini hisobga olib, 5-sinfdan buyon sinf sardori bo‘lib saylangan. Sinf o‘quvchilari bilan inoq, mehribon, kirishuvchan.
Sinfdan tashqari turli tadbirlarni tashkil etishda hamisha sinf rahbariga yordamchi, sinf o‘quvchilarini ham o‘zining ortidan ergashtirishga va tadbirlarda faol ishtirok etishlariga harakat qiladi. Mamurjonova Madinaning faolligini hisobga olib, maktab ma’muriyati va jamoat tashkilotlari tomonidan bir necha marta yozma “Faxriy yorliq”lar va og‘zaki rahmatnomalar olishga erishgan. Men ham kelajakda Mamurjonova Madinaning jamiyatimiz uchun o‘z o‘rniga ega bo‘lgan kadr bo‘lishiga ishonaman.

Imzo Sana