Pdf-файлидаги расмий манба

33-модда. Низоларни ҳал этиш 
Вояга етмаганлар ўртасида назоратсизлик ва ҳуқуқбузарликларнинг 
профилактикаси соҳасидаги низолар қонун ҳужжатларида белгиланган 
тартибда ҳал этилади. 
Бошқарув тизимида ижтимоий муносабатлар натижасида пайдо 
бўладиган ҳар қандай низолар қонун талаблари асосида ҳал этилиши 
белгилаб қўйилган. Низолар икки томон ўртасида вужудга келади, томонларн 
жисмоний ёки юридик шахс бўлиши мумкин. Низоларнинг турли сабаблари 
ва омиллари мавжуд бўлиб, уларнинг ўз вақтида қонун доирасида ҳал 
этилиши бошқа салбий ҳолатларнинг олдини олишга, фуқароларнинг ҳуқуқ 
ва 
эркинликлари, 
жисмоний 
ва 
юридик 
шахсларнинг 
қонуний 
манфаатларини ҳимоя қилишга ва энг муҳими қонун устуворлигини 
таъминлашга хизмат қилади.
Ижтимоий ҳаётда турли низолар мавжуд, жумладан фуқаровий, мулкий 
ва бошқалар. Низоларни ҳал этиш учун эса шахснинг ўзи эмас уни ҳал этиш 
ваколати бўлган давлат органига ёки судга мурожаат қилиши қонун 
ҳужжатларида белгилаб берилган.
Ўзбекистон Республикасининг «Фуқаролик процессуал кодекси»нинг
1-моддасида «Ҳар қандай манфаатдор шахс бузилган ёки низолашилаётган 
ҳуқуқи ёхуд қонун билан қўриқланадиган манфаатини ҳимоя қилиш учун 
қонунда белгиланган тартибда судга мурожаат қилишга ҳақли» деб 
кўрсатилган.
Ўзбекистон Республикасининг «Оила кодекси»нинг 27-моддасида
 
«Низо туғилган ҳолларда эр ва хотиннинг умумий мол-мулкини бўлиш, 
шунингдек эр ва хотиннинг бу мол-мулкдаги улушини аниқлаш суд 
тартибида амалга оширилади», - деб белгиланган. 
Ўзбекистон Республикасининг «Судлар тўғрисида»ги Қонуни асосида 
туманлараро, туман (шаҳар) иқтисодий суди хўжалик юритувчи субъектлар 
ўртасидаги фуқаровий-ҳуқуқий муносабатларда юзага келадиган низоларни 
ва корпоратив низоларни, туман (шаҳар) маъмурий суди давлат 
органларининг, фуқаролар ўзини ўзи бошқариш органларининг, шунингдек 
улар мансабдор шахсларининг хатти-ҳаракатлари (қарорлари) устидан 
берилган, оммавий-ҳуқуқий муносабатлардан келиб чиқадиган шикоят ва 
аризалар бўйича маъмурий низоларни кўриб чиқади. 

---

110 
Ушбу қоидалардан келиб чиқиб, вояга етмаганлар назоратсизлиги ва 
ҳуқуқбузарликларнинг 
профилактикаси 
соҳасидаги 
низолар 
судлар 
томонидан қонун доирасида кўриб чиқалади ва ҳал этилади.