Pdf-файлидаги расмий манба

24-модда. Ўзига нисбатан якка тартибдаги профилактика иши 
олиб борилаётган шахсларнинг ҳуқуқлари
 
Ўзига нисбатан якка тартибдаги профилактика иши олиб 
борилаётган вояга етмаганлар, уларнинг ота-онаси ёки ота-она ўрнини 
босувчи шахслар қонун ҳужжатларида назарда тутилган ҳуқуқлар билан 
таъминланади. 
Ихтисослаштирилган ўқув-тарбия муассасаси ёки ижтимоий-
ҳуқуқий ёрдам кўрсатиш марказида сақланаётган вояга етмаганлар 
белгиланган тартибда қуйидаги ҳуқуқлар билан таъминланади: 
ота-онасини ёки ота-она ўрнини босувчи шахсларни вояга 
етмаганлар 
мазкур 
муассасаларга 
олиб 
келинганлиги 
ёки 
жойлаштирилганлиги тўғрисида хабардор қилиш; 
вояга етмаганлар ўртасида назоратсизлик ва ҳуқуқбузарликларнинг 
профилактикасини амалга оширувчи органлар ҳамда муассасаларнинг 
қарорлари ва мансабдор шахсларнинг ҳаракатлари (ҳаракатсизлиги) 
устидан юқори турувчи органларга, вояга етмаганлар ишлари бўйича 
идоралараро комиссияларга, прокуратура органларига ёки судга шикоят 
қилиш; 
одамнинг шаъни ва қадр-қимматини камситмайдиган инсоний 
муомалада бўлиш; 
чекланмаган миқдорда телефонда сўзлашувлар, бошқа алоқа 
воситалари орқали мулоқотлар ҳамда учрашувлар воситасида оиласи билан 
алоқада бўлиш, посилкалар, бандероллар, йўқловлар олиш, хат ва 
телеграммалар олиш ҳамда жўнатиш; 
белгиланган нормалар бўйича бепул овқат, кийим-кечак, пойабзал ва 
ашёвий таъминотнинг бошқа буюмларини олиш. 
 
1. Ўзбекистон Республикасининг «Ҳуқуқбузарликлар профилактикаси 
тўғрисида»ги 
қонунининг 
42-моддасида 
ўзига 
нисбатан 
ҳуқуқбузарликларнинг якка тартибдаги профилактикаси чора-тадбирлари 
қўлланилаётган шахсларнинг ҳуқуқ ва мажбуриятлари белгиланган. 

---

94 
Жумладан, ўзига нисбатан қўлланилаётган ҳуқуқбузарликларнинг якка 
тартибдаги профилактикаси чора-тадбирларининг асослари ва ҳуқуқий 
оқибатларини билиши, ўзи хусусида тўпланган ҳужжатлар ва бошқа 
материаллар билан танишиш, илтимослар қилиш, юридик ёрдам олиш, 
ҳуқуқбузарликлар профилактикасини бевосита амалга оширувчи органнинг 
ёки муассасанинг қарорлари, мансабдор шахсларнинг ҳаракатлари 
(ҳаракатсизлиги) устидан қонун ҳужжатларида белгиланган тартибда шикоят 
қилиш кабилар. 
Шунингдек илмий-амалий шарҳланаётган моддада кўрсатиб ўтилган 
ҳуқуқларидан ташқари улар адвокат хизматидан фойдаланиш, ўзига нисбатан 
юритилган ҳужжатлар билан танишиб чиқиш, Ижтимоий-ҳуқуқий ёрдам 
кўрсатиш маркази ёки Ихтисослаштирилган ўқув тарбия муассасаларида 
сақланаётган вояга етмаганлар эса ахборот олиш, таълим олиш, дам олиш, 
тиббий ва психологик ёрдам олиш ҳуқуқларига ҳам эга.