Paxta tozalash zavodining texnologik jarayonini loyihalash

3.4. Xavfsizlikning muhofaza vositalari.

Ishlab chiqarishning hamma soha va tarmoqlarida mehnat xavfsizligini oshirish, shikastlanish hamda zararlanishlarning oldini olish uchun maxsus texnik vositalari qo’llaniladi va ularga quyidagilar kiradi.
1. Muhofazalovchi to’siq vositalari.
To’siq vositalari ishchilarning ishlab chiqarishning xavfli mintaqalariga tushib qolishiga xalal beradigan qilib o’rnatiladi.
Asosan mashina va qurilmalarning aylanuvchi va harakatlanuvchi ta’sir doiralarida, qirqish va ishlov berish joylarini, elektr toki urishi xavfi bo’lgan va har xil nurlanishlar bo’lishi mumkin bo’lgan xonalar, shuningdek havo muhitiga zararli moddalar chiqarayotgan joylar ham to’siq vositalari bilan ta’minlanadi.
Bundan tashqari qurilish tashkilotlarida, qurilish ishlari bajarilayotgan maydonlar kranlar o’rnatilgan mintaqalar, ishchilarning baland joylardagi ish o’rinlari, to’siq vositalari bilan ta’minlanishi shart.
Muhofaza to’siq vositalari GOST 23407-78 talab va qoidalari asosida tayyorlanadi.

13-rasm. Radioaktiv izotoplardan foydalanilgan muhofaza qurilmasi