Патологик физиология

5.2. Ҳ О М И Л А Д А ТАРАҚҚИЁТ Н У Қ С О Н Л А Р И Н И Н Г П А Й Д О Б Ў Л И Ш 
Э Т И О Л О Г И Я С И 
Ривожланиш аномалияларини пайдо бўлиши хакимларни қадим 
замонлардан бери қизиқтиради. Бироқ бу мураккаб муаммони этиологияси ва 
патогенези ҳали ҳам етарлича ўрганилган эмас. Клиник тератология билан 
шугулланувчилар учун бу масала методик қийинчиликлар билан боғлиқдир. 
Эксперимнтал тератологияда анчагина ютукларга эришилган ва шу 
соҳанинг маълумотлари у ёки бу омилнинг тератогенлик фаоллигини ва 
туғма нуқсонларни пайдо бўлиш механизмларини аниклаш учун 
фойдаланилади. Баъзи омилларни ҳар хил сут эмизувчилар ҳо-миласига 
нисбатан тератогенлик хусусияти тажрибада исбот қилинганига қарамай, 
уларни инсон пуштига шикает етказиш имконияти албатта бутунлай фарқ 
қилади. Энг янги маълумотларга Караганда, тератогенлик хоссаси аниқ 800 
омилнинг инсон учун факат 25 таси ҳавфли, халос. (Г.И.Лазюк, 1991 йил). 
Шуларни эътиборга олинса, ҳомилада нуқсонларни пайдо бўлиши ё мутация 
оқибатида ёки қандайдир омилнинг тератогенлик таъсиридан ёки 
иккаласининг биргаликда таъсиридан келиб чиқиши мумкин. 
Инсонларни туғма нуқсонларининг сабабларини қуйидагича тасаввур 
қилиш мумкин: 
А. Эндоген сабаблар: 
1. Ирсий ўзгаришлар 
2. Эндокрин касалликлар 
3. Жинсий ҳужайраларнинг "пишиб ўтиб кетиши" 
4. Ота-оналарнинг ёшлари 
Б.Экзоген сабаблар: 
1. Физикавий омиллар 
а) радиацион нурланиш 
б) механик таъсирлар 
2. Кимёвий омиллар: 
а) дорилар 
б) саноатда ва турмушда қўлланиладиган кимёвий моддалар 
в)гипоксия 
г) сифатсиз овкатланиш 
3.Биологик омиллар: 
а) вируслар 
б) микоплазмалар 
в) протозоали инфекциялар 
141 

---

Буларга қўшимча равишда она организмидаги баъзи патологик 
ҳолатларни ҳомила тараққиётига салбий таъсирини эътироф этиш керак. Бу 
сабаблар ичида Савельева Г. М. ва бошқалар (1991 й.)-нинг фикрича, энг кенг 
учрайдиганларига плацентанинг етишмовчилиги киради. Узбекистан 
шароитида перинатал патологиянинг асосий омилларидан бири ҳомиладор 
аёлларнинг анемияси ҳисобланади (А.С.Мордухович ва бошқалар.1991 й.). 
Юуқорида келтирилган маълумотлардан кўриниб турибдики, пуштни 
ривожланишига салбий таъсир кўрсатиб нуқсонлар пайдо қилувчи омиллар 
хилма-хил экан. Шу омилларнинг таъсири хақида озроқ бўлсада тушунча 
берилиши мақсадга мувофиқдир.