«turon-iqbol»

“YANGILANISHGA YANA BIR IMKON”
Yana o‘lkamizga o‘z chiroyi va tarovatini namoyish etish 
uchun mehr-muhabbat, go‘zallik kuychisi bo‘lgan fasllar kelin-
chagi Bahor kirib keldi. Bahorni yosh-u qari birdek sog‘ingan 
qalblari Bahorga birdek talpingan. Barchaning ko‘ngli yerdan 
ohistagina bosh ko‘targan boychechakni ko‘rish-u, qushlarning 
sho‘x-shodon sayrashlarini eshitishga oshiqgan. 
Mana o‘sha kun keldi. 
Bobo quyosh yerga beminnat mehrli nurlarini sochmoqda, 
qushlar bir-biri bilan quvlashib tinmay sayrashmoqda, boy-
chechak quyosh nurlariga erkalanib jilmaygancha yerga ko‘rk 
berib turibdi. Ariqlar bo‘lsa suvni o‘z manziliga yetkazish uchun 
yana o‘z ishini boshlashdi.
Ariqlardan oqayotgan suvlarning jildirashi, qushlarning 
sayrashi go‘yoki Bahor madhiyasidir. Qishning sovug‘idan 
yalang‘ochlangan daraxtlar ham o‘z libosini kiymoqda. Da-
raxt novdalari daraxtlarni kurtaklar bilan bezamoqda. Uzun, 
izg‘irin kunlardan keyin ko‘klam yuzini ko‘rgan insonlarning ti-
lida shukronalik bot-bot takrorlanmoqda. Insonlarga hech bir 
fasl berolmagan yangilanish-yasharish uchun imkonni fasli Bahor 
beminnat ulashmoqda.
Xuddiki, Bahor boshlanishi bilan hayot ham endi boshlan-
gandek.

---

88