Б ой аёл / т ар ж и м о н : а зи зб е к а ҳ м ад ж ан о в Т

Тизимни ўзгартириш пайти келди
Мени тўғри тушунишга ҳаракат қилинг: менинг эркаклар- 
га қарши ҳеч нарсам йўқ. Мен уларни севаман. Шунчаки мен 
уларга молиявий томондан қарам бўлишни ёқтирмайман. 
Бугунгилик кунда бу фикримга кўпчилик аёллар қўшили- 
шади. Мен қирқ-эллик ёшга кириб никоҳлари бузилган ва 
маблағ масаласида қийинчиликка дуч келган аёлларнинг 
кўпини кўрганман. Уларнинг тарихи қуйидагича: “Ёшликда 
жуда бахтли эдик..! Кейин ажрашдик... У мендан ёш аёлнинг 
ёнига кетди. Ҳаётимда биринчи бор ёлғизланиб қолдим”.
Менга ота-онам борасида бахт кулиб боқди. Бахтли эр-хо- 
тинлар тимсолида улар менга ўрнак бўлишди, улар эллик 
йиллик турмушларида муҳаббатни ва ўзаро ҳурматларини 
сақлаб қола олишди.
Афсуски, баъзи оилалар вақт синовидан ўта олишмайди. 
Ажралишлар кўпайиб кетяпти. Мен ажралишни ўйлаб ол- 
диндан режа тузинг, демоқчи эмасман. Шунчаки ҳақиқатга 
тик боқинг ва ҳар қандай вазиятда ўз молиявий ҳаётингиз 
ҳақида ҳам қайгуришни ўрганинг. Глорияда захира режа 
бўлмаган, унда асосий режа нима қилиб бўлса ҳам, молия- 
вий қулайлик учун никоҳни сақлаб қолиш бўлганди, холос.
Молиявий истакнинг эркак томонидан қондирилиши гў- 
зал ва латофатли бўлган йигирма, ўттиз ёшлар даврингизда 
амалга ошиши мумкин, аммо қирқ, эллик ёшларда бошқа 
йўлини қидириш керак. Эркак бир адашиб, яна қайтади, деб 
ўйлаш бефойда. Аёл ўзи ўзгариши лозим. Ва ҳозирга келиб, 
формулани ўзгартириш вақти келди. Бунда асосий ролни пул 
ўйнайди. Ёшлигимизда бизга гўзаллигимиз ҳокимиятни бер- 
ган бўлса, ёш ўтган сайин вазиятни фақат пул назорат қилади.
Бу борада яхши сўзни Кэтрин Хепберн айтган: “Аёллар, 
агар сизда ишқ ёки пулни танлаш имконияти бўлса, пулни 
танланг. Ёшингиз ўтган сайин пул сизга ишқий саргузашт- 
ларни беради”.
Замон ўзгаряпти ва биз аёллар ҳам у билан бирга ўзгари- 
шимиз лозим. Буни қандай қилишни китобим орқали айтиб
15

---

бераман. Агар сиз яхши молиявий стратегия — бой эрга те- 
гиш, деб ўйласангиз, унда сизга омад тилайман. Ўз ҳаётини 
ўзгартириш, уни ўз қўлига олишни ва ҳаракатни бошлашни 
истаган аёлларга эса мен алтернатив йўл таклиф қиламан.