Ona tili umumiy o‘rta ta’lim maktablarining 10-sinfi uchun darslik

DUNYO TILLARI HAQIDA QIZIQARLI MA’LUMOTLAR
29.2-mashq. 
Matndan informatika sohasi atamalarini aniqlang. Kompyuter 
texnologiyasida qo‘llanadigan o‘zbekcha so‘zlar ro‘yxatini tuzing. 
Namuna: 
gipermatn, diskyuritkich, sichqoncha…
O‘zbek tadqiqotchilari tomonidan „Leksik tahlil muhiti“ dasturi yaratildi. Bu dastur 
„Server – Mijoz“ texnologiyasiga asoslangan, uni global tarmoq (www)da yoki lokal 
tarmoqda qo‘llash mumkin. Dasturiy tizimni ishlab chiqishda dasturlash tili sifatida 
Webga yo‘naltirilgan tillar: PHP, Java Skript, HTML, Jgueri, Ajax, CSS dan biri tanlab olinadi, 
ma’lumotlar bazasi uchun esa MySQL dan foydalaniladi. Tizim foydalanuvchiga uch til 
(ingliz, rus, o‘zbek)da leksik ma’lumotlarni qidirish, izlab topish va ma’lumotlarning kerakli 
qismiga tez o‘tish imkonini beradi.
MUSTAHKAMLASH

---

108
Topshiriq. 
Quyidagi SMS xabarni imlo jihatidan tuzatib yozing. Yozish madaniyati 
xususida o‘z mulohazalaringizni bildiring.
Sava! Tuzumsan iwla qaley bugn oqwga borasami borsen maniyam bor qildrb qoy 
vawe iwm kop tezro javop yoz.
29.3-mashq. 
Matnni o‘qing. Ajratib ko‘rsatilgan gap asosida bahs-munozara 
uyushtiring. 
— Yer kurrasida nima gap? — so‘radi o‘zga sayyoraliklar sardori.
—Bordim. Bir xalqni ko‘rdim. Ahvoli yaxshimas!, — javob berdi boshqasi.
— Nega? Axborot ber-chi!
— Ota qo‘ltelefonga yopishib qolgan; ona qo‘ltelefon ichiga kirib ketgan; 
o‘g‘il qo‘ltelefonga uylanyapti; qiz qo‘ltelefonga erga tegyapti; miyasida 
telefon o‘sib chiqqan avlod tug‘ilyapti; butun xalq telefon vabosiga 
yo‘liqqan.
— Qo‘ltelefon degani nima o‘zi?, — hayratlandi sardor.
— Qurol bo‘lsa kerak... 
O‘zini yeb bitirish uchun o‘zlari o‘ylab topgan qurol!
, — javob 
berdi boshqasi. (Qo‘chqor Norqobil)