O`zbekiston respublikasi oliy va o`rta

To‘lov  balansi  -  mamlakatning  tashqi  iqtisodiy  aloqalari  va  ularning  butun 
bog‘lanishlarining  holati  tahlil  qilish  imkonini  beradigan  umumlashtiruvchi 
ko‘rsatkich. 
Tovar  va  hisob-kitob  hujjatlari.  Hujjatlarning  bu  guruhi  tovarlarning  baho, 
sifat  va  soni  bo‘yicha  tavsifini  beradi.  Hujjatlarni  sotuvchi  o‘z  blankasida 
rasmiylashtiradi, xaridor esa ushbu hujjatlar bo‘yicha to‘lovni amalga oshiradi.  
Muhim  hisob-kitob  hujjati  tijorat  schyot-fakturadir.  Unda  yetkazib  berilgan 
tovar uchun to‘lanishi lozim bo‘lgan, schyotda ko‘rsatilgan mablag‘ni to‘lash haqida 
sotuvchining xaridorga talabi mavjud bo‘ladi. Odatda schyotlar 4-5 nusxalarda chop 
etiladi.  Bundan  maqsad  ularni  turli  tashkilotlarga  taqdim  qilishdir.  Shuning  uchun 
shartnomada  schyot  bajarilishi  kerak  bo‘lgan  nusxalarning  soni  albatta  ko‘rsatiladi. 
Bajaradigan  funkstiyalariga  ko‘ra  schyotlarni  quyidagi  turlarga  bo‘lish  mumkin: 
schyot-faktura, maxsus schyot, dastlabki schyot.  
Schyot-faktura odatda tovarni xaridorga  jo‘natilganda tovar bilan birga yozib 
beriladi. Schyot-faktura o‘z ichiga ikkita hujjatni oladi: tovar uchun to‘lanishi kerak 
bo‘lgan  mablag‘ni  summasini  ko‘rsatgan  hujjat  va  tovar  bilan  birga  yo‘llanadigan 
yukxatidir.  Bojxona  organlarining  talabi  bo‘yicha  ko‘plab  mamlakatlarda  schyot-
faktura tasdiqlangan blankalarda yozib beriladi. Bunday schyotlar bir vaqtning o‘zida 
tovarning  kelib  chiqishi  haqidagi  sertifikat  ham  hisoblanadi  va  tovarga  tirkib 
qo‘yiladi.