Kardiotonik dori vositalarining klinik farmakologiyasi

Homiladorlik va emizgulik davrida. 
Digoksin plasenta orqali yengil o‘tadi: qondagi konsentratsiyasi ona 
va bolada bir xil. Shuning uchun uni homiladagi yurak aritmiyasini 
davolash uchun homilador ayollarga beriladi. Digoksin ona suti orqali 
kam miqdorda ajraladi. Digitoksin homilaga plasenta orqali juda kam 
miqdorda o‘tadi. 
Bo‘yrak ishining yetishmasligi holatlarida. 
Bo‘yraklar 
funksiyasining 
pasayishi 
digitalisdan 
intoksikatsiyalanishga 
olib 
keluvchi 
asosiy 
sabablardan 
biridir. 
Mochevinaning qondagi miqdori 40mg/100mldan oshganda (me’yorida 
20mg/100ml) glikozidlarning nojo‘ya ta’sirlari 2,5 barobar oshib ketadi. 
Bo‘yrak ishining yetishmasligida glikozidlar va ularning metabolitlarini 
siydik orqali chiqishi buziladi. Bu esa bo‘yrak klirensini va 
yarimeliminatsiya davrining uzayishiga olib keladi. Shuning uchun BIEda 

---

19 
digoksin va strofantinning ta’siri kuchayadi, toksikligi oshadi. Shu narsa 
aniqlangan, digitalisdan intoksikatsiyalanishning asosiy sabablardan 65-
75% hollarda BIE bo‘lgan. BIEning terminal bosqichida digoksin va 
strofantinning yarim eliminatsiya davri 3-4 barobarga uzayadi. 
Digoksinning 
eliminatsiyasi 
kreatininning 
klirensi 
bilan 
to‘g‘ri 
proporsional o‘zgaradi. Agar kreatinning klirensi 100ml/daq bo‘lganda xar 
kuni organizmdan qabul qilingan digoksinning 20% ajralib chiqsa, 
kreatinning klirensi 10ml/daq bo‘lganda esa bor yo‘g‘i 14% ajralib 
chiqadi. Bunday holatlarda UTD quyidagi formula bilan hisoblanadi. 
UTD = TTD x (14+kreat klir:5) mg/sut. Ma’lumki, BIEda digoksinning 
qondagi oqsillar bilan bog‘lanishi kamayadi, miokardning preparatga 
ta’sirchanligi oshadi, albatta bularni ham e’tiborga olish kerak. Undan 
tashqari BIEda giperkaliemiya bo‘ladi bu esa dorining terapevtik ta’sirini 
pasayishiga va toksik ta’sirining oshishiga olib keladi. BIEda qo‘llanishi 
mumkin bo‘lgan glikozidlardan eng asosiysi digoksindir. Chunki u 
bo‘yraklar orqali juda kam chiqariladi, asosan jigarda parchalanadi.