Шахар нормалари ва қоидалари

7. Норматив ҳужжатларни тасдиқлаш ва уларга доимий риоя қилиш 
7.1 Норматив ҳужжатлар лойиҳаларини кўриб чиқиш, тасдиқлаш, рўйхатга 
олиш ва бекор қилиш. 
7.1.1 Тасдиқлашга киритилган норматив ҳужжат лойиҳаларини ҳужжат 
ишлаб чиқувчи ташкилотлар иштирокида кўриб чиқиш тақозо этилади. 
7.1.2 Қурилиш вазирлиги томонидан тасдиқланиши (ёки маъқулланиши) 
зарур бўлган норматив ҳужжатлар лойиҳалари Ўзбекистон Республикаси Қурилиш 
вазирлиги таркибий бўлинмалари томонидан уларга юклатилган вазифаларга 
мувофиқ равишда кўриб чиқилади ва тасдиқлашга ёки маъқуллашга тайёрланади. 
7.1.3 ШНҚ ва уларга киритиладиган ўзгартиришлар Ўзбекистон 
Республикаси Қурилиш вазирлигининг буйруғи билан тасдиқланади.
ИКН – тегишли идоралар буйруқлари билан тасдиқланади. 
Олдиндан амал қилаётган норматив ҳужжатларни бекор қилиш, шунингдек, 
уларни янги киритилган норматив ҳужжатлар билан алмаштириш ушбу 
ҳужжатларни тасдиқловчи идораларнинг тегишли буйруқлари билан амалга 
оширилади. 
7.1.4 Норматив ҳужжатни амалга киритиш муддати уни нашр қилиш
ва тарқатиш ишларини инобатга олган тарзда буйруқ билан ўрнатилади. 
7.1.5 Қурилиш вазирлиги томонидан тасдиқланган норматив ҳужжатлар
I иловада келтирилган шакл бўйича тузилган китобга рўйхатга олинади. 
7.1.6 Норматив ҳужжатларни рўйхатга олиш чоғида уларга белги – шифр 
берилади, бу шифр Ўзбекистон Республикаси шаҳарсозлик нормалари
ва қоидаларининг Таснифлагичига мувофиқ В илова бўйича ўрнатилади. 
ИҚН шифрида рўйхатга олиш китоби бўйича тартиб рақами унга тиниш 
белгисидан сўнг тасдиқланган йилнинг охирги икки рақами ҳамда норматив 
ҳужжатни тасдиқлаган органнинг қисқартирма номлари қўйилади, масалан: ИҚН 
07-84 Соғлиқни сақлаш вазирлиги. 
Агар норматив ҳужжат айнан шу ном билан амал қилаётган норматив 
ҳужжат ўрнига тасдиқланаётган бўлса, у ҳолда унинг аввалги шифри тасдиқланиш 
йили рақамларига тегишли ўзгартиришларни киритилган ҳолда сақланиб 
қолинади. 
7.1.7 Тасдиқланган норматив ҳужжатнинг девони, J иловада келтирилган 
шаклда рақамлаштирилгандан сўнг рўйхатларда қайд қилингач ушбу ҳужжатни 
тасдиқлаган идора архивига сақлашга топширилиши лозим.