Dawletmuratov Adilbay Mirzabaevich

2. KURS JUMISINA TEMA TAŃLAW 

 

 

Kurs  jumısınıń  temaları  hám  olardıń  úlgi  jobaları  kafedra  oqıtıwshıları 

tárepinen islep shıġıladı. Student kurs jumısların jazıw boyınsh a óz tájiriybelerin, 

ilimiy  máplerin  hám  jeke  imkaniyatların  esapqa  alıp,  kurs  jumısın  jazıp  atırġan 

pánin  (“Ekonomikalıq  teoriya”)  oqıtıp  atırġan  oqıtıwshı  menen  másláhátlesken 

halda  kurs  jumısı  ushın  tema  tańlaydı.  Tańlanġan  tema  studenttiń  pikirlew 

qábiletin,  ekonomikalıq  bilim  dárejesin  hám  dúnya  kóz -qarasın  jáne  de 

tereńlestiriwi hám onıń intellektual rawajlanıwın támiyinlewi lazım.   

Tańlanġan  temaġa  baylanıslı  statistikalıq  maġlıwmatlardı  analizley  otırıp, 

alġan  teoriyalıq  bilimlerin  ámeliy  tájiriybe  menen  baylanıstıradı.  Joqarı  sapada 

orınlanġan  kurs  jumısı  keleshekte  student  ushın  pitkeriw  qánigelik  bakalavr 

jumısların tayarlawda da úlken járdem boladı.  

Sebebi  kurs  jumısın  orınlaġanda  student  kerekli  ádebiyatlardı  tańlap,  olardıń 

ishinen  zárúrli  maġlıwmatlardı  toplap,  olardı  analizlewi  hám  bul  boyınsha  pikir 

bildiriwge úyreniwi kerek.  

Konkret  izertlewdiń  juwmaġı  kópshilik  aldında  jaqlawġa  usınılatuġın 

bolġanlıqtan,  bul  studentke  kurs  jumısınıń  materialların  ózlestiriwdi  ġana  emes, 

al sonıń menen birge óziniń pikirin qorġawġa kónligiwdi úyreniwdi támiyinleydi.  

Kurs  jumısın  tayarlaw  hám  jaqlaw  waqtında  studentler  izertlewdiń  tiykarġı 

nátiyjelerin  anıq  hám  túsinikli  etip  bayanlawġa,  kópshilik  aldında  shıġıp 

sóylewge, tájiriybe toplawġa hám ilimiy pikir t alasın júrgiziwge úyretedi.  

Oqıw  jobasına  muwapıq  ekonomikalıq  teoriya  páni  boyınsha  kurs  jumısı 

sotsial-ekonomikalıq fakultetiniń I-kurs studentleri tárepinen orınlanadı.  

Kurs  jumısı  oqıtıwshınıń  basshılıġında  orınlanadı.  Onı  jaqlaw  kafedra 

májilisinde tastıyıqlanġan komissiya aldında belgilengen sánede ámelge asırıladı.  

---