Ўзбекистон республикаси президенти ҳузуридаги қонунчилик ва ҳУҚУҚий сиёсат институти

Интернет тармоғига киришни таъминлашга оид
янги 
конституциявий норма мамлакатимизда 
инсон ҳуқуқларини,
хусусан, сўз эркинлиги ва ахборот олиш ҳуқуқини таъминлаш 
учун ҳам мустаҳкам ҳуқуқий замин яратади. БМТнинг 
Инсон ҳуқуқлари кенгаши бир неча бор ўз резолюцияларида 
Интернетда инсон ҳуқуқларини амалга ошириш ва 
ҳимоя қилиш зарурлиги
бўйича тавсияларини берган. 
Хусусан, 2011 йил 3 июндаги 
йиғилишида ҳам 
Интернет 
инсон ҳуқуқларини амалга 
оширишга 
кўмаклашувчи 
муҳим восита сифатида тан 
олинган.
Шу нуқтаи назардан, давлат томонидан Интернет 
тармоғининг доимий равишда ривожлантирилиши 
замонавий 
дунёда қўйилаётган янгича талаб – инсон ҳуқуқларини 
нафақат анъанавий шаклда (офлайнда) таъминлаш, 
балки ушбу ҳуқуқларни виртуал маконда, онлайн 
шаклда ҳам амалга оширишга
имконият яратади. Масалан, 
мамлакатимизда фуқароларнинг билим олиш ҳуқуқини фақат 
ўқув юрти биносига келиб эмас, масофадан амалга оширишга, 
электрон давлат хизматларини кўрсатишга, мурожаатларни 
электрон тарзда тақдим этишга ва бошқа шу каби имкониятларга 
шарт-шароит яратилмоқда.
Янги Ўзбекистонда фуқароларимиз ва ташкилотларни 
Интернетга бўлган эҳтиёжларини қондириш мақсадида 

---

68
бир қатор қарорлар қабул қилиниб, ташкилий-ҳуқуқий 
чоралар кўрилмоқда. Натижада Ўзбекистонда Интернетдан 
фойдаланувчилар сони 2016 йилда 12,1 млн бўлган бўлса, 
2022 йилга келиб деярли уч баробар, яъни 31 млн дан ошди, 
шунингдек, мамлакатимиз аҳоли яшаш масканлари ҳудудини 
Интернет тармоғи билан қамрови эса 2016 йилдаги 28% дан, 
2022 йилда 98% га етган. Мобиль телефондан фойдаланувчи 
аҳоли 29,5 млн дан ошди. Одамларимиз банкда ҳисоб рақами 
очиш, маҳсулот ёки хизматлар учун тўловлар қилиш ва бошқа 
400 га яқин давлат хизматларидан уйидан чиқмасдан, телефон 
орқали фойдаланмоқда.
Бундай норманинг Конституцияга киритилиши рақамли 
технологиялар асрида Интернетга оид қонунчиликни такомил-
лаштиришга, аҳолининг, айниқса, олис ва чекка ҳудудларда 
яшовчиларнинг ҳам Интернет тармоғига уланишига, пировардида 
ҳар бир шахснинг Интернетдан фойдаланиш ҳуқуқини, жамият 
ва давлатнинг эса очиқлигини таъминлашга хизмат қилади.