Toshkent davlat yuridik universitetining akademik halollik va tadqiqot etikasi kodeksi

XV. Akademik kengash va Tadqiqot etikasi kengashi tomonidan 
akademik halollik va tadqiqot etikasini buzgan xodim va talabalarning 
javobgarligini koʻrib chiqish 
127. Akademik kengash va Tadqiqot etikasi kengashi tomonidan 
akademik halollik va tadqiqot etikasi boʻyicha mazkur Kodeks va boshqa 
hujjatlarda belgilangan qoidalarni buzgan xodim va talabalarning javobgarligi 
ushbu kengashlarning Nizomlari asosida koʻrib chiqiladi.
55. Akademik kengash oʻz vakolatlari doirasida
 
talabaga (bakalavr va 
magistr) akademik nohalollikka yoʻl qoʻyganida quyidagi sanksiyalarni 
qoʻllashi mumkin: 
nazorat ishi uchun qoniqarsiz baho – “0” (nol) ball qoʻyilishi; 
mazkur Kodeksning 14, 15, 20, 21, 23–25, 28-bandlarida (ushbu bandlar 
bilan cheklanmaydi) nazarda tutilgan akademik nohalollik (qoidabuzarlik)ka 
yoʻl qoʻyish – hayfsan berilishi; 
mazkur Kodeksning 22 va 25-bandlarida, shuningdek hayfsan 
qoʻllanilganidan soʻng 19, 22, 21, 29, 32, 46-bandlarida nazarda tutilgan 
akademik nohalollik (qoidabuzarlik)ka qayta yoʻl qoʻyish – toʻgʻridan-toʻgʻri 
kursdan kursga qoldirishga yoki mehnat shartnomasini bekor qilishga asos 
boʻlishi mumkin. 
128. Fakultet dekanatlari mazkur Kodeksning buzilish holatlari haqida 
maʼlumotni saqlashi va uni Oʻquv-uslubiy boshqarmaga hamda Akademik 
kengashga tegishli masalalarni hal qilish uchun taqdim qilishi kerak. 

---

48 
129. Universitet pedagog xodimlari, tadqiqotchilari va xodimlariga oʻquv 
jarayonidagi akademik halollik qoidalarini buzganlik uchun hayfsan intizomiy 
jazosi qoʻllaniladi hamda mehnat shartnomasini bekor qilish masalasi, 
zaruratga koʻra, Akademik kengash yoki Tadqiqot etikasi kengashi tomonidan 
koʻrib chiqilib, Universitet rektoriga tavsiya kiritiladi.
130. Universitet pedagog xodimlari, tadqiqotchilari va xodimlariga ilmiy-
tadqiqot faoliyatidagi akademik halollik va tadqiqot etikasi qoidalarini 
buzganlik uchun hayfsan intizomiy jazosi qoʻllash yoki mehnat shartnomasini 
bekor qilish masalasi, zaruratga koʻra, Tadqiqot etikasi kengashi tomonidan 
koʻrib chiqilib, Universitet rektoriga tavsiya kiritiladi. 
131. Sanksiyani qoʻllash boʻyicha qaror ustidan uch ish kunida 
apellyatsiya berilishi va u bir oy ichida Universitet Kengashi tomonidan qayta 
koʻrib chiqilishi mumkin.
 
XVI. Yakuniy qoida 
132. Kodeksga Universitet Kengashining qarori bilan oʻzgartirish va 
qoʻshimchalar kiritilishi mumkin.