Islom karimov nomidagi toshkent davlat texnika universiteti texnik xizmat ko

 
 
 
 
 
 
 
 
 
 
 
© Toshkent davlat texnika universiteti, 2022 

---

3 
KIRISH 
 
“Texnik xizmat ko„rsatish texnologiyasi” fani umumkasbiy fanlar 
blokiga kiritilgan fan hisoblanadi va 4-kursda o„qitiladi. “Texnik xizmat 
ko„rsatish texnologiyasi” fani boshqa ixtisoslik fanlarining nazariy va 
uslubiy asosini tashkil qilib, o„z rivojida aniq yo„nalishdagi mutaxassislik 
fanlari uchun zamin bo„lib xizmat qiladi va talabalarga avtotransport 
vositalarining tasnifi, tuzilishi, agregatlanishi, uzel-mexanizmlarining 
vazifasi, rostlanishlari bo„yicha bilimlarning nazariy asoslarini, qism va 
uzellarda sodir bo„luvchi jarayonlar va qonuniyatlar tamoyillarini o„rgatish 
hamda ularni amaliyotda tatbiq etish konikmasini hosil qiladi.
O„quv-uslubiy ko„rsatmalarda avtotransport vositalarining tasnifi, 
tuzilishini o„rganish bo„yicha laboratoriya ishlari aks etgan bo„lib, ushbu 
laboratoriya ishlarining mavzusi 5610100 – Xizmatlar sohasi (avtomobil 
transporti) yo„nalishi uchun tuzilgan fanning namunaviy o„quv dasturiga 
binoan tuzilgan. 
 
Qo„llanma mualliflarning bir necha o„n yillik pedagogik faoliyati 
tajribalari asosida yozilgan. Qo„llanmada asosiy laboratoriya ishlarini 
bajarish uslubiy qo„llanmalari berilgan va ma‟ruzada hamda mustaqil ish 
davomida olgan bilimlarini mustahkamlaydi. Ayniqsa amaliy ishlarni 
bajarishda bu katta ahamiyatga ega. Ishlarni bajarish uchun lozim 
ma‟lumotlar, ko„rsatmalar shu yerning o„zida berilgan. Masalalarni hal 
qilish oson bo„lishi uchun namunaviy misollar ham berilgan. Olingan 
bilimlarni yanada chuqurlashtirish maqsadida har bir ish oxirida nazorat 
uchun savollar ham berilgan. 
Laboratoriyalarni bajarishda foydalaniladigan asbob, moslama va 
o„lchov asboblari ko„rsatilib, ishlash prinsiplari yoritilgan. Ishlar ro„yxati 
talabalarga oldindan e‟lon qilinadi. Talabalar har bir ishga oldindan 
tayyorgarlik ko„rib keladilar: nazariy bilimlarini mustahkamlab, lozim 
jadval va grafiklarni chizadilar. O„qituvchi darsdan oldin ishning 
maqsadini va bajarish tartibini o„rgatadi. Albatta, bunda texnika 
muhofazasi qoidalari masalasi qayd qilinib, rasmiylashtiriladi.