Biogeografiya kk

Biotsenozlardın’ klassifikatsiyası. Biotsenoz ulıwmalıq tu’sinik. Al fitotsenozdın’ tiykarı-
assaotsiatsiya bolıp tabıladı. Assotsiatsiya-bir tekli sharayatta o’setug’ın belgili bir floralıq 
quramg’a ha’m belgili fizionomiyag’a iye o’simlik birlesigi bolıp tabıladı. Assotsiatsiya 
assotsiatsiya toparına birigedi. Bir topar birdey edifikatorg’a iye, biraq bir qatlamnın’ quramı 
boyınsha ayırılatug’ın, o’siw sha’rayatları uqsas bolg’an assotsiatsiya kiredi. Odan joqarı birlik 
formatsiya bolıp, og’an birdey edifikatorg’a iye assotsiatsiya toparları jatadı. (Toran’g’ıl 
formatsiyası, Qamıs formatsiyası) edifakatorları birdey tirishilik formag’a jatatug’ın 
formatsiyalar formatsiya toparın payda etedi. Formatsiya toparları tirishilik formasının’ jaqınlıg’ı 
boyınsha formatsiya klaslarına birigedi. Klassifikatsiyalawdı bir qansha joqarı birligi tirishilik 
formalarının’ ulıwmalastırılg’an toparının’ u’stemligi boyınsha ajıralatug’ın o’simlikler tipi 
espalanadı. Biotsenozdın’ salıstırma turaqlıg’ı, zatlardın’ turaqlı aylanısın ha’m energiya ag’ımın 
ta’miyiynleydi. Biotsenozlar klimaks jag’dayına jetkende bir qansha turaqlı boladı. Biotsenozdın’ 
tu’rliligi qanshama ko’p bolsa sonshama turaqlı boladı. Biotsenozlar ta’biyiy ha’m jasalma bolıp 
bo’linedi. ekinshisi adamlar payda etedi. Onın’ turaqlılıg’ı adamlar iskerliginin’ qa’wenderligi 
saqlanıp qaladı. 
 
Tapsırma ha’m sorawlar. 
1. Biotsenoz degen ne ha’m onın’ ken’isliktegi qurılısın tu’sindirin’? 
2. Biotsenozdag’ı organizmler arasındag’ı qatnastın’ tu’rleri qanday? 
3. Konsortsiya degen ne? 
4. Soobshestvolardın’ dinamikasın tu’sindirin’? 
 
 
 
 
7-lektsiya 
 Areal haqqında tu’sinik. 
Jobası: 
1.Bir tegis ha’m ayrılg’an areallar. 
2.Ma’deniy o’simliklerdin’ kelip shıg’ıw orayları.