Болалар ёшида учрайдиган тиш каттик

Aplastik va gipoplastik anemiya (kamqonlik). 
Xastalik og`ir klinik belgilar bilan 
kechib, suyak kumigi(iligi)ning og`ir jarohatlanganligini ko`rsatadi. Bu bolalar 
umumiy ahvolining og`irlashuvi, og`iz bo`shlig`ida to`qimaning o`lishi bilan sodir 
bo`ladigan nekroz belgilarining mavjudligi, og`izdan qo`lansa hid tarqalishi, shilliq 
pardalarda qon quyilish belgilarining aniqlanishi, milk va burun qonashi belgilari 
bilan namoyon bo`ladi.(48-rasm) 
Gemofiliya
- qon ivishining buzilishi bilan og`rigan bemor bolalarning og`iz 
bo`shlig`i shilliq pardasida odatda to`qimada qon quyilish belgilari bo`lmaydi, 
biroq milklarning tez-tez qonashi, olingan tishlarning chuqurchasi va pulpasi ochiq 
tishlarning kariyes kovaklaridan qon oqish hollari kuzatiladi. 
Qon kasalliklariga davo qilish
. Bolalarda qon yaratuvchi organlarning 
xastaliklari aniqlangan taqdirda, ularni gematologik (qon kasalliklari) bo`limlarga 
yotqizib, pediatr-gematolog shifokorlar bilan bamaslaxat davolash chora-
tadbirlarini qo`llash maqsadga muvofiqdir. 
Bunday hollarda stomatolog shifokorlarning asosiy vazifasi og`iz bo`shlig`i 
sanatsiyasini o`tkazish, o`tkir mexanik jarohatlarga sabab bo`luvchi tishlar va 
qo`yilgan plombalarning o`tkir qirralarini silliqlash, muntazam ravishda har kuni 
erinmasdan og`iz bo`shlig`i shilliq pardasini og`riqsizlantirib, antiseptiklar va 
proteolitik fermentlar yordamida tozalashdan iborat. Shilliq parda to`qimasining 
tiklanishini ta’minlovchi shifobaxsh moylar, malhamlarni surtish yaxshi natijalar 
beradi. 
Pediatr-gematolog shifokorlar asosiy kasallikka qarshi umumiy davolash 
ishlarini amalga oshirishlari lozim. 
 
O`zlashtirish darajasini aniqlash uchun savollar: 
1. Vitaminlar tanqisligi natijasida og`iz bo`shlig`i va lablarda qanday 
o`zgarishlar yuz beradi? 
2. Og`iz bo`shlig`i shilliq pardasida ichki sekretsiya bezlarining xastaliklari 
bilan bog`liq holda ro`y beradigan o`zgarishlar xaqida so`zlab bering. 
3. Jigarning surunkali xastaliklarida og`iz bo`shlig`ida qanday belgilar 
kuzatiladi? 
4. Og`iz bo`shlig`ida yurak-qon tomir yetishmovchiligi natijasida 
aniqlanadigan o`zgarishlar haqida so`zlab bering. 

---

244 
5. Uremiya bilan kechuvchi buyrak xastaligida og`iz bo`shlig`i shilliq 
pardasida qanday belgilar mavjud bo`ladi? 
6. Oq qon kasalliklarida og`iz bo`shlig`ida, qayd etiladigan o`zgarishlar 
xaqida gapirib bering. 
7. Umumiy sistema xastaliklarida og`iz bo`shlig`ida kuzatiladigan 
o`zgarishlarni davolashda qanday yo`l tutiladi?