Annotasiya

SO‘Z BOSHI 
“Perspektiva” fani tevarak atrofimizdagi hamda tasavvurimizdagi narsalarni 
inson ko„zi bilan qanday ko„rsa, huddi shunday qilib tekislik, silindr, sfera va boshqa 
sirtlar ustida tasvirlash usullarini o„rganadi. 
Perspektiva – bu tasviriy san‟at grammatikasidir. Buyuk italyan rassomi va 
olimi Leonardo da Vinchi ta‟biri bilan aytganda, “Perspektiva – tasviriy san‟atning 
rulidir”. Shuning uchun realistik tasviriy san‟at asarlarini yaratishda ilmiy nazariy 
asos bo„lib hizmat qiladi. Malakali rassom, arxitektor, tasviriy va amaliy san‟at 
o„qituvchilari hamda restavratorlarni tayyorlashda perspektiva asosiy fanlardan biri 
bo„lib hisoblanadi. 
Hozirgi kunda maktab,kasb-hunar kolleji va akademik litseylarni yuqori 
malakali, oliy ma‟lumotli pedagog kadrlar bilan ta‟minlash maqsadida ko„plab oliy 
o„quv yurtlarida turli ta‟lim yo„nalishlari bo„yicha maxsus sirtqi bo„limlar ochilgan 
bo„lib, ular o„z faoliyatlarini olib bormoqdalar. 
Maxsus sirtqi bo„lim talabalari uchun sifatli o„quv adabiyotlarini tayyorlash va 
ularni yetkazib berish hozirgi kunda eng asosiy masala bo„lib turibdi. Talabalarning 
fan bo„yicha chuqur bilimga ega bo„lishini ta‟minlaydigan asosiy omil bu ular sessiya 
oralig„i davomida o„zlashtirib topshiradigan vazifalar mazmuniga va sifatiga bog„liq. 
Shu maqsadda har bir fandan sessiya oralig„i vazifalari mazmunini ishlab chiqish va 
uning yangi avlodini shakllantirishga asosiy e‟tibor qaratilmoqda. 
Ushbu qo„llanmada Perspektiva fani bo„yicha sessiya oralig„i vazifalari 
mazmuni, ularni bajarishga oid metodik ko„rsatmalar va variantlar to„plami keltirib 
o„tilgan. Talabani bir xil uslubda vazifa bajarish natijasida zerikishini hisobga olib
topshiriqlar mazmunini to„rt xil ko„rinishlarda keltirishga harakat qilindi. 
1.Talaba yozma ravishda berilgan 6 ta savolga javob beradi. Savollar mazmuni 
fanning turli asosiy qismlaridan olingan bo„ladi. 
2.Perspektiva bo„yicha grafik vazifa chizib topshiriladi. Chunki fanning 
xususiyatidan kelib chiqib to„laqonli bilim malaka va ko„nikmaga ega bo„lish uchun 
talaba grafik savodxon bo„lishi zarur. 
3.Bu bosqichda talaba tez bajariladigan masalalarni chizib ko„rsatadi. 
4.So„nggi bosqichda esa talaba yuqoridagi uch bosqichda egallagan nazariy 
va amaliy bilimini test savollariga javob berish orqali mustahkamlaydi hamda o„z 
bilimini tekshirib oladi. Bunday turli ko„rinishdagi biim egallash uslublari talabani 
zeriktirmaydi va ishtiyoq bilan fan cho„qqilarini zabt etishga yordam beradi. 
Ushbu 
qo„llanmani 
tayyorlashda 
o„zlarining ilmiy fikrlari bilan 
yordamlashgan 
ustozlarim 
professor 
Sh.K.Murodov, 
TDPU 
professori 
R.Q.Ismatullayev, 
dotsentlar 
P.O.Odilov, 
I.T.Raxmonov, 
TDPU 
dotsenti 
A.Abduraxmonovlarga , shuningdek, metodik jihatdan to„g„ri yoritilishiga maslahat 
va tashkiliy ishlarga ko„mak berganliklari uchun professor S.Ashirboyev, dotsent 
B.B.Boymetov va “Chizma geometriya, chizmachilik va uni o„qitish metodikasi” 
kafedrasi mudiri A.O.Ashirboyevlarga o„zimning samimiy minnadorchiligimni 
bildiraman.