Усмонов Б. Ш., Хабибуллаев Р. А

3-боб. Махсус таълим хизматлари фаолиятини ташкил қилиш 
3.1. Регистратор офиси фаолияти 
Регистратор офиси (Office of Registrar) – талабанинг барча ўзлаштириш 
кўрсаткичлари тарихини қайд қилиш билан шуғулланувчи хизмат туридир. 
Регистратор офиси (РО) қабул комиссияси негизида ташкил қилинган ва 
деканатлар ва баъзи бўлимларнинг бир қисм вазифалари берилган таркибий 
бўлинма ҳисобланади. 
РО ни ташкил қилишнинг мақсадларидан бири билим олиш жараёнлари 
ва билимни баҳолаш жараёнларини ажратиш ҳамда талабаларнинг оралиқ ва 
якуний аттестацияларини ўтказиш ҳисобланади. 
РО нинг асосий вазифалари талабага унинг асосий мақсадига – танлаган 
йўналиши бўйича юқори билим, кўникма ва малакалар билан академик даража 
олишга эришишида ёрдам беришга йўналтирилган бўлиб, қуйидагилардан 
иборатдир: 
• академик тақвим тузиш ва унинг ўз вақтида бажарилишини назорат 
қилиш; 
• қабул комиссиясининг ишини ташкил қилиш; 
• фанларга ёзилишни ташкил қилиш (Enrollment); 
• академик гуруҳларни шакллантириш; 
• киришда билимларини аниқлашни ташкил қилиш ва уни назорат 
қилиш; 
• якуний назорат ва оралиқ аттестацияларни ташкил қилиш ва ўтказиш; 
• якуний давлат аттестациясини ташкил қилиш ва ўтказишни назорат 
қилиш; 
• талабаларнинг шахсий ҳужжатларини архивгача сақлаш; 
• “Регистратор” маълумотлар базасини шакллантириш ва мунтазам 
янгилаш; 
• Транскриптни юритиш ва унга талабаларнинг баҳоларини киритиш; 
• 
тантанали 
маросимларни 
ташкил 
қилиш 
ва 
ўтказиш 
(битирувчиларнинг дипломларини расмийлаштириш ва тантанали равишда 
тақдим этиш); 
• талабалар контингенти бўйича статистика юритиш. 
РО ни Регистратор бошқаради, у бевосита олий ўқув юртининг 
ректорига бўйсунади. Регистратор факультетлар, ўқув бўлими, олий ўқув 
юртининг бошқа тузилмавий бўлинмалари билан яқин ҳамкорлик қилади.