D a V l a t k a d a s t r L a r I a s o s L a r I

 
 
 

---

209 
 
6-BOB DAVLAT KADASTRLARI YAGONA TIZIMIGA TEGISHLI 
MA’LUMOTLARNI TARKIBI VA ULARNI TAQDIM ETISH TARTIBI 
 
6.1. DAVLAT KADASTRLARI YAGONA TIZIMIGA TEGISHLI 
MA’LUMOTLAR TEMATIK QATLAMLARI 
 
Davlat kadastrlari  yagona tizimi  Geoaxborot  tizimining bazaviy  kartografik 
asosi  1:200 000  masshtabli  xaritaga  muvofiq  keladigan  quyidagi  tematik 
qatlamlardan tashkil topadi: 
- “Matematik asos” tematik qatlami;  
- “Gidrografiya” tematik qatlami;  
- “Joy relefi” tematik qatlami; 
- “Aholi punktlari” tematik qatlami; 
- “Aloqa yo‘llari” tematik qatlami; 
- “Tuproq-o‘simlik qoplami” tematik qatlami; 
- “Siyosiy va ma’muriy chegaralar” tematik qatlami. 
Davlat  kadastrlari  yagona  tizimi  Geoaxborot  tizimi  (GAT)  bazaviy 
kartografik  asosi  hamda  davlat  kadastrlarining  tegishli  GATlarini  tematik 
qatlamlarini  yuritish  uchun  zarur  kartografik  asoslar  Davyergeodezkadastr  
qo‘mitasi  tomonidan  shakllantiriladi  hamda  davlat  kadastrlarini  yuritish  bo‘yicha 
vakolatli organlarga taqdim etiladi. 
Davlat  kadastrlari  yagona  tizimi  GATga  tegishli  tematik  qatlamlarning 
matematik asosi bazaviy kartografik asosning matematik asosiga muvofiq bo‘lishi 
lozim.  Tematik  qatlamlarni  shakllantirishda  vektorli  obyektlarni  (nuqtalar, 
chiziqlar  va  poligonlarni)  o‘zaro  bog‘liqligi  va  yondoshligi  ularni  fazoviy 
joylashuvini  inobatga  olgan  holda  tasvirlanadi.  Qatlamlarning  atributiv 
ma’lumotlari davlat tilida yuritiladi. 
Davlat  kadastrlari  yagona  tizimiga  tegishli  kadastrlar  ma’lumotlari  bu 
kadastrlarni  yuritish  bo‘yicha  vakolatli  organlar  tomonidan  Davyergeodezkadastr  
qo‘mitasini  Geodeziya  va  kartografiya  milliy  markaziga  quyidagi  muddatlarda 
taqdim etiladi: 

---

210 
 
1)  texnogen xavf  yuqori bo‘lgan  zonalar davlat kadastri  bo‘yicha –  har  yili 
mart oyida; 
2)  davlat  suv  kadastri  (yer  osti  suvlari  va  suvdan  foydalanish  bo‘limlari), 
davlat  o‘rmon  kadastri,  o‘simlik  dunyosi  obyektlari  davlat  kadastri,  muhofaza 
etiladigan  tabiiy  hududlar  davlat  kadastri,  davlat  shaharsozlik  kadastri, 
gidrotexnika inshootlari davlat kadastri, madaniy meros obyektlari davlat kadastri, 
avtomobil yo‘llari davlat kadastri, yetkazib berish quvurlari davlat kadastri, aloqa 
obyektlari  davlat  kadastri,  energetika  obyektlari  davlat  kadastri,  chiqindilarni 
ko‘mish  va  utilizatsiya  qilish  joylari  davlat  kadastri,  tabiiy  xavf  yuqori  bo‘lgan 
zonalar  davlat  kadastri  (xavfli  geologik  jarayonlarning  yuzaga  chiqish  hollari  va 
seysmik xavf yuqori bo‘lgan zonalar qismlari) bo‘yicha – har yili aprel oyida; 
3) hayvonot dunyosi davlat kadastri bo‘yicha – har yili may oyida; 
4)  temir  yo‘llar  davlat  kadastri,  konlar,  foydali  qazilmalar  va  texnogen 
hosilalarning yuzaga chiqish hollari davlat kadastri bo‘yicha – har yili iyun oyida; 
5)  davlat  suv  kadastri  (yer  usti  suvlari  bo‘limi),  tabiiy  xavf  yuqori  bo‘lgan 
zonalar  davlat kadastri  (gidrometeorologik  hodisalar xavfi  yuqori  bo‘lgan  zonalar 
qismi) bo‘yicha – har yili dekabr oyida; 
6)  davlat  yer  kadastri,  binolar  va  inshootlar  davlat  kadastri,  kartografiya-
geodeziya  davlat  kadastrlari  bo‘yicha  –  yilning  har  choragidan,  keyingi  oyning 
o‘ninchi sanasiga qadar. 
Davlat  kadastrlari  yagona  tizimiga  tegishli  ma’lumotlar  davlat  yer  kadastri, 
binolar  va  inshootlar  davlat  kadastri,  kartografiya-geodeziya  davlat  kadastrlari 
bo‘yicha o‘tgan chorakning oxirgi sanasi holatiga ko‘ra, boshqa davlat kadastrlari 
bo‘yicha, o‘tgan yilning 31 dekabr sanasi holatiga ko‘ra taqdim etiladi. 
Har  bir  davlat  kadastri  bo‘yicha  tematik  qatlamlar  va  ularning  atributiv 
ma’lumotlar jadvali yaratiladi va ular quyidagilardan iborat bo‘ladi: