Психологиянинг предмети

Қобилиятларнинг миқдор ва сифат тавсифи 
Психологияда қобилиятлар индивидуал психологик хусусиятлар 
сифатида тавсифланади ва бунинг асосида тафовутланадиган хислатлар 
фазилатлар ётади. Шунинг учун ҳар бир шахсда бир хил натижа бир хил 
сифат кутиш мумкин эмас, чунки инсонлар ўз қобилиятлари бўйича бир-
бирларидан муайян даражада фарқ қиладилар, бинобарин улар ўртасидаги 
фарқлар сифат ва миқдор жиҳатидан бўлиши мумкин.
Қобилиятларнинг сифат тавсифи шахснинг қайси индивидуал 
психологик хусусиятлари фаолият муваффақиятларининг мажбурий шарти 
тариқасида хизмат қилишини англатади. Уларнинг миқдор тавсифи эса 
фаолиятга қўйиладиган талабларни шахс томонидан қай йўсинда бажариш 
имконияти мавжудлигини билдиради, яъни мазкур инсон бошқа одамларга 
қараганда малака, билимлардан нечоғлик тез, енгил, пухта фойдалана 
олишини намойиш қилади. 
Ўқувчининг қобилиятлари нимага намоён бўлишини ва бинобарин 
ўқувчи шахсини қандай индивидуал психологик хусусиятлари фаолиятни қай 
даражада бажариш қобилиятига эга эканлиги, яъни ўқувчининг бошқаларга 
нисбатан малака ва билимларни қанчалик тез, енгил ва мустаҳкам эгаллаб 
олишини билиш педагог учун муҳимдир.
Қобилият хусусиятларининг сифат томонидан қаралиши мақсадга ҳар 
турли йўллар билан боришга имкон берувчи «ўзгарувчан миқдор» тўплами 
сифатида, фаолият муваффақиятини таъминловчи инсон психологик 
хусусиятларининг йиғиндиси сифатида кўрилади. Бир хусусиятларни ўрнини 
иккинчи бир хусусиятлар билан босишнинг кенг имкониятлари мавжуд, буни 
одам ўзида чиндан қатъийлик билан ишлаш орқали ривожлантириши 
мумкин. Педагог ва психолог Сколовинский кўр-кар Ольга Скороходовада 
фақат илмий ходимлик қобилиятини эмас, балки адабий қобилият билан, 
бошқариш ёрдами билан тўлдириш хусусияти ҳар бир одам олдида касб 
танлаш ва уни такомиллаштиришнинг ниҳоятда кенг имкониятларини очиб 
беради. 
Қобилиятларнинг сифат жиҳатдан тавсифи одам меҳнат фаолиятининг 
қайси соҳасида (педагог, спорт, савдо ва бошқалар) енгиллик билан «ўзини 
топа олади» ва қандай қилиб катта ютуқ ва натижаларга эриша олади деган 
саволга жавоб бериш имкониятини беради. Қобилиятларни миқдор тавсифи 
ва уларни ўлчаш муаммоси билан кўпроқ чет эл психологлари (Кэттелл, 

---

Термен, Спирмен) ва бошқалар шуғулланганлар. Улар катталарда 
кобилиятни ўлчаш усули сифатида ақлий истеъдод тестларидан 
фойдаланганлар. Боланинг ақлий истеъдод коэффиценти
I Q ақлий ёши
Боланинг ҳақиқий ёши
Бу усул одамнинг ақлий қобилиятлар эгаси эканлигини эмас, балки 
одамда қобилиятлар билан аралаштириб бўлмайдиган бирор бир хилдаги 
маълумотлар, кўникма ва малакалар борлигини намоён қилади.
Л.С.Виготский бу усулни танқид қилиб, ўзининг келажак тараққиёт 
зонасини белгилаш «методи» деб аталадиган усулини таклиф қилди. 
Қобилиятлар одамнинг фаолиятидан ташқарида мавжуд бўлмайди. 
Қобилиятларнинг таркиб топиши эса таълим-тарбия жараёнида боланинг 
ютуқлари тезлигида намоён бўлади.