Ўз-ўзига ишонч ҳосил қилиш ва омма олдида сўзлаш санъати

Тўртипчиси: Амалда қўлланг! Амалда қўлланг! Амалда қўлланг! 

---

Мазкур банд эслатмамизнинг охиргиси, сўзсиз, энг муҳими ҳисобланади, 
ҳатто сиз шу пайтгача ўқиганларингизни унутиб юборсангиз ҳам, 
қуйидагилар ѐдингизда турсин: 
Биринчиси (ана шунинг ўзи охиргиси) — сўзга чиқишда ўзига нисбатан 
ишончни мустаҳкамлашнинг бехато усули, бу — иложи борича кўпроқ 
гапиришдир. Аслида, буларнинг бари охир-оқибатда битта асосий ҳолатга 
олиб келади: амалда қўллаш лозим, амалда қўллаш, амалда қўллаш керак. Бу 
шундай зарурий шароитки, усиз ҳеч нарса амалга ошмайди. 
"Ҳар бир бошловчи, киши, — деб огоҳлантиради Рузвельт, — "оҳу иситмаси 
(титроғи)" хуружига рўбарў келиши мумкин. Бу шундай сўнгги асабий 
зўриқишки, унинг умумий қўрқоқликка сира алоқаси йўқ. У кўп сонли тинг-
ловчилар олдида биринчи марта сўзга чиққан кишида рўй беради ва мазкур 
ҳолат кийик овига биринчи борган ѐки жангга илк маротаба иштирок 
этаѐтган кишининг аҳволини эслатади. Инсон жасурликка эмас, балки 
хотиржамлик ва совуққонликка зарурат сезади. Буни эса фақат доимий 
машқ туфайли қўлга киритиш мумкин. Бу ўз асабларини тўлиқ равишда 
эгаллашни ўрганиш, доимий равишда ўз-ўзини назорат қилиш ѐрдамида рўй 
беради. Бу муайян даражада одатий иш, доимий равишда ирода кучини 
намоѐн этиш, доимий иштиѐқ демакдир. Агар одамда яхши қобилият 
нишоналари бўлса, бу ирода кучининг ҳар бир намоѐн бўлиши туфайли у 
кучли ва янада кучлироқ бўла боради". Сиз тингловчилар олдидаги қўрқувдан 
халос бўлишни истайсизми? Келинг, у нимадан пайдо бўлишини кўриб 
чиқайлик. 
"Қўрқув билимсизлик ва ишончсизликдан пайдо бўлади", — деб ѐзади 
профессор Робинсон ўзининг "Ақлнинг шаклланиши" номли китобида. 
Бошқача сўзлар билан айтадиган бўлсак, қўрқув ўзига нисбатан ишончнииг 
камлиги оқибатида рўй беради. 
Бу нимадан? У сиз бажаришингиз мумкин бўлган нарсани билмаслик 
натижасини ўз ичига олади. Бундай билмаслик эса ўз навбатида тажрибанинг 
етишмаслиги, деб аталади. Қачонки сизнинг елкангизда етарли тажриба юки 
ортилган экан, қўрқувларингиз ғойиб бўлади, улар мисоли июль қуѐши 
нурлари остидаги тунги туманлар каби тарқаб кетади. 
Бир нарса жуда зарур: сузишни ўрганиш учун сувга калла ташлаш керак. 
Бунга ҳамма рози. Сиз бу китобни кўп ўқидингиз. Энди нима сабабдан уни 
бир четга қўйиб, амалий ишга киришмаслигингиз керак? Ўзингизга худди 
шундай биладиган битта мавзу олинг ва уч дақиқалик маъруза тайѐрланг. 
Уни ѐлғиз ҳолда бир неча марта машқ қилинг. Сўнг, агар иложи бўлса, 
мўлжалланган одамлар ҳузурида ѐки дўстларингиз олдида бутун кучингизни 
сарфлаган ҳолда сўзга чиқинг.