O‘zbekiston respublikasi oliy va o‘rta maxsus ta’lim vazirligi oydin abdullayeva

Tavsiya etiladigan  qo‘shimcha adabiyotlar: 
1. Зряковский Н. Общий курс инструментоведения. M., 1978. 
2. Чулаки M. Инструменты симфонического оркестра. M., 1982. 
3. Римский-Корсаков Н. Основы оркестровки. M., 1947. 
      4.  Берлиоз-Штраус.  Большой  трактат  о  современной  инструментовке  и 
оркестровке. M., 1982. 
      5.  Дмитриев  Г.  Ударные  инструменты:  трактовка  и  современное 
состояние. M., 1991. 
 
11-DARS: INSON OVOZI
 
Xonanda  ovozi  fiziologik  tuzilishiga  qarab  -  bolalar,  ayollar,  erkaklar 
ovoziga bo‘linadi. 
Bolalar  ovozida  tovush  o‘zining  yengilligi,  tiniqligi,  xarakterli  jarangdorligi 
va  nozikligi  bilan  ajralib  turadi.  Bolalar  ovozi  diskant  va  altga  bo‘linadi.  Bolalar 
xorida  diskant  ovozga  odatda  yuqori  (soprano)  registrdagi  partiyalar  topshiriladi. 
Bolalar  xorida  alt  past  registrli  partiya  hisoblanadi.  Bolalarning  ovoz  xarakterini 
aniqlashda  har  bir  yoshning  o‘z  xususiyatiga  ega  bo‘lgan  “ishchan  diapazoni” 
borligini  hisobga  olish  lozim.  Kichik  yoshdagi  (7-10  yosh)  bolalarda  umumiy 
diapazon  bir  qancha  keng  bo‘ladi:  kichik  oktava  “lya”  dan  2-oktava  “re”  gacha 
davom etadi. O‘rta yoshda (11-13 yosh) “ishchan diapazon” kengaygan bo‘lib, 1-
oktava  “do”  dan  2-oktava  “mi,  fa”  gacha  bo‘lgan  oraliqni  o‘z  ichiga  oladi. 
Mutatsiya  davrida  o‘g‘il  bolalarda  diapazon  chegarasi  keskin  o‘zgaradi,  ovozi 
bo‘g‘iq,  intonatsiyasi  noaniq,  tez  charchaydigan  bo‘ladi.  17-18  yoshlarga  kelib, 
ovoz  kuchi  kattalar  ovozining  kuchiga  yaqinlashadi  va  20  yoshlarga  borib  to‘liq 
shakllanadi.