O‘zbekiston respublikasi oliy va o‘rta maxsus ta’lim vazirligi oydin abdullayeva

Klassitsizm davrida orkestr jamoalari bir qator o‘zgarishlarga yuz tutdi. Shu 
davrgacha  klavesin  va  organ  asosiy  cholg‘ular  sifatida  gavdalangan  bo‘lsa, 
endilikda  damli  cholg‘u  bo‘lmish  –  klarnet,  fleyta  va  truba  asosiy  o‘ringa  chiqib, 
orkestrdan mustahkam joy egallaydi. Shunga ko‘ra, simfonik orkestr nafaqat torli-
kamonli  cholg‘ular,  balki,  damli  cholg‘ular  qatnashuvida  murakkab  ohangdor 
musiqiy jamoani tashkil etdi. 
Orkestrlarda  tub  o‘zgarishlar  yuz  berdi.  Jumladan,  klavesin  va  organ 
cholg‘ulariga  bo‘lgan  ehtiyoj  kamaydi.  Klarnet,  fleyta,  truba  singari  damli 
cholg‘ular, aksincha, orkestrdan mustahkam joy egallab, o‘ziga xos yangroqilikni 
yaratib berdi. 
Orkestrning yangicha tarkibda shakllanishi musiqaning muhim sohasi bo‘lgan 
simfoniyaning  vujudga  kelishiga  olib  keldi.  Standart  bo‘yicha  simfoniya  uch  xil 
temp  – tez sur’atda aks etadigan bosh qism, sokin rivojlanadigan o‘rta qism va tez 

---

14 
 
rivojlanadigan  yakun  orqali  o‘z  ifodasini  topadi.  Simfonik  ko‘rinishni 
birinchilardan ishlatgan kompozitor Karl Filipp Emmanuil Bax bo‘ldi.  
Orkestrning  yangicha    tarkibi  bilan  bir  qatorda,  ikkita  skripka,  alt  va 
violoncheldan tashkil topgan torli kvartet tarkibi ham vujudga keldi. Shunga ko‘ra, 
torli  kvartet  alohida  sohaga  aylandi.  Uning  uchun  yozilgan  musiqalar  standart 
bo‘yicha to‘rt xil sur’atda bo‘lib, simfoniyani eslatadi.  
Shu  davrning  o‘zida  fortepiano  cholg‘usi  yaratildi.  Klavesin  yoki 
klavikordning o‘rnini fortepiano egalladi. Bu esa, ijro uslubi, ijro xarakteriga ham 
katta ta’sir ko‘rsatib, musiqiy estetik sohaning rivojlanishiga olib keldi. 
Bu  davrda  fortepiano  uchun  yaratilgan  Sonatalar  muhim  ahamiyat  kasb  eta 
boshladi. Simfoniya singari, sonata janri ham cholg‘u musiqaning turli xillarini bir 
turkumga birlashtirish usuli sifatida xizmat qildi.