Hayotning 101 qoidasi Uzbekistan 978-613-9-45185-2

69.
 
O’z kayfiyatingizni o’zingiz boshqaring 

---

60
Hayotda har doim xayollarim mening nazoratimdan tashqarida ekanligiga ishonardim. 
Ular mening miyamga avtomatik tarzda o’rnashib olib, xohlagan ishini qiladi. Hattoki 
yomon bo’lsa ham ular mening o’ylarim ekanligiga ishonar edim. Baxtimga, hamma 
narsa ishonchga bog’liqligini tushunib yetdim. Biz o’zimizning o’y - xayollarimiz 
emasmiz. Aksincha biz o’sha xayollarning egalarimiz. Biz o’ylarimizning yaratuvchisi 
va joyi kelganda ularning o’zgartiruvchisimiz.
Bu xuddiki ichimda bir narsa yashayotgandek tuyulardi. Keyinchalik men har bir 
o’ylarimni tushunib, agar ma’qul kelsa, xotiramga olardim. Xayollarimning yaxshi yo 
yomonligiga qattiq e’tibor beradigan bo’ldim. Bu ularni o’zgartirishga birinchi qadam 
bo’ldi. Bir oy ichida, men faqatgina yaxshi va ilhomlantiruvchi o’ylarga e’tibor 
qaratishni mashq qildim. Shu yo’l bilan men atrofimdagi muhit ham o’zgarayotganiga 
guvoh bo’ldim. Sizni o’y-xayollaringiz, kayfiyatingiz yaratmaydi. Siz har bir daqiqada 
o’zgarib turuchi kayfiyatingizning yaratuvchisisiz. Agarda siz shunday yo’l tutsangiz, 
stress o’rniga osoyishtalik, qayg’u o’rniga xursandchilik va charchoq o’rniga kuch- 
quvvatni his etasiz.
70.
 
Oddiygina narsalardan rohatlanib yashang 
Hech kim vafot etayotgan paytda bor mol-mulkini o’zi bilan birga olib ketmaydi. 
Hozirgacha men faqatgina katafalk (o’lik tashiydigan mashina) orqasidan birgina 
furgonning dafn marosimiga kirib kelganini ko’rganman. Eng so’ngi kunimizda biz 
o’zimiz bilan olib keta oladigan narsalar bizning hayotimizga ma’no bag’ishlovchi
xotira va tairibalarimizdir. Shuning uchun, vaqtimni menga yaxshi xotiralar qoldiruvchi 
mashg’ulotlar bilan o’tkazaman, mol-mulk to’plash bilan emas. Men shuni anglab 
yetdimki, menga hayotdagi oddiy narsalardan yaxshi xotiralar qolar ekan. Mening qizim 
Bianka yurishni o’rgangan kun, o’g’lim Kolbiyning birinchi konsert kechasi ( u ko’p 
vaqtni belgilangan qo’shiqni kuylash bilan emas, balki otasiga qo’l silkitish bilan 
o’tkazgan), oilamiz bilan yomg’ir ostiga futbol o’ynagan kun va to’lin oy nurida hot-
dog tayyorlagan kechamiz va hakazo.
Deil Karnegi shunday yozgan edi: “Inson tabiatidagi eng achinarli narsa, uning
hayotni kechiktirishga moyilligidir”. Biz bugun derazamiz orqasidagi chiroyli 
gullarning ochilishidan rohatlanish o’rniga, qandaydir bog’dagi sehrli atirgullar haqida 
o’y suramiz. Oddiy narsalardan rohatlanishni o’rganing. Ajoyib xotiralar hayotda biror 
buyum sotib olishdan ko’ra ko’proq ahamiyat kasb etadi. Emma Goldman shunday 
yozgan: “Men bo’yindagi olmosdan ko’ra, stolim ustidagi atirgullarni afzal ko’raman”.