Hayotning 101 qoidasi Uzbekistan 978-613-9-45185-2

11.
 
O’zingiz bilan o’zingiz gaplashing
 
Ko’p yillar oldin advokat bo’lishimga qaramasdan ozgina bo’lsa ham ichki xotirjamlik 
uchun Jeyms Allen tomonidan yozilgan “As a man Thinketh” asarini o’qib yurardim. 
Asar insonning kuchli onggi real hayotimizga ta’sir qilib, osonlikcha katta umid, yorqin 
kelajakni yaratishi haqida bahs-munozaralar olib borgan. Bundan tashqari, kitobda 
kunlik ishlatiladigan so’z va tilning ta’siri, uning yorqin fikrlarni yaratishi borasida ham 
aytib o’tiladi.
Tez orada men yana ham dono g’oyalarga to’la va o’zini psixologik tarzda o’zida umid 
uyg’otuvchi kitoblarni o’qishni boshladim. O’qiganim sari, biz muloqot jarayonida (xoh 
boshqalar bilan, xoh o’zimiz bilan) ishlatadigan so’z va tilning hayotimiz
yaxshilanishida qanchalik muhim o’rni bor ekanligini anglab boraverdim. Keyinchahlik 
bu bilimlarim bilan har birimiz har kuni, har soatda, har daqiqada foydalanadigan 
shaxsiy dialoglarimga alohida e’tibor qaratadigan bo’ldim. O’zim bilan 
gaplashayotganimda ishlatayotgan gaplarim ma’nosini yana ham yaxshilashga o’zimga 
va’da berdim. Shunday qilishim uchun, besh ming yillar oldin qadimgi donishmadlar 
tomonidan shakllantrilgan strategiyani qo’llay boshladim. Natijada, bu - hayotimni har 
tomonlama o’zgartirdi.
Bu usul juda ham oddiy. Faqatgina kuni bilan, turli xil vaqtlarda o’ylab takrorlab 
yurishingiz uchun biror so’zni-gapni tanlashdan iborat bo’ladi. Uni siz shunday 
takrorlashingiz kerakki, sizning hayolingizning asosiy qismi bo’lsin, sizni qayta 
o’zgartira olsin. Agar bu ichki xotirjamlikka aloqador bo’lib, tinchlik izlayotgan 
bo’lsangiz, sizning iborangiz (gapingiz) – “Men juda ham baxtiyorman. Sababi, men 
muloyim va sokin odamman”,- kabi bo’ladi. Agar siz o’zingizda ko’proq ishonch 
bo’lishini xohlasangiz, u holda gaplaringiz quyidagicha bo’ladi: ”Men juda ham 
baxtiyorman. Sababi, men butunlay o’zimga ishonaman va men jasurman”. Agar
sizning istagingiz biror moddiy jihatga bog’liq bo’lsa, siz:”Men juda ham baxtiyorman. 
Sababi, pul va imkoniyatlar hayotimga oqib kelyapdi”,- deb takrorlang.
Sehrli so’zlaringizni nafasingiz ostida sekingina har ishga qatnaganingizda, biror 
narsani kutganingizda, idish-tovoqlar yuvayotganingizda takrorlang. Zero, bu - 
samarasiz vaqtingizni kuchli hayotiy rivojlanishlar sari yetaklaydigan vaqt bilan 
to’ldiradi. O’zingizning sehrli so’zlaringizni kuniga kamida ikki yuz martadan va shuni 
kamida ikki hafta davomida takrorlashga harakat qiling. Natija – siz ichki xotirjamlik, 
yorqin kelajak, va maqsadlaringiz yo’lida oladigan ilk qadamlaringizdan juda aniq 
ko’rinadi. Hazrat Inoyat Xon aytganlaridek: “So’zlar dur-u gavharlarga qaraganda
qalbni nur bilan yoritadi”.

---

15