O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti

Akkreditasiya to‘g‘risidagi guvohnoma 
Akkreditasiya to‘g‘risidagi guvohnoma muvofiqlikni baholash organi 
akkreditasiyaning belgilangan sohasidagi ishlarni bajarishga vakolatli ekanligini 
tasdiqlovchi hujjatdir. 
Akkreditasiya to‘g‘risidagi guvohnomaning shakli Milliy akkreditasiya 
organi tomonidan tasdiqlanadi. 
Akkreditasiya to‘g‘risidagi guvohnoma besh yil muddatga beriladi. 
Akkreditasiya to‘g‘risidagi guvohnomadan boshqa shaxsning foydalanishi 
taqiqlanadi. 
Akkreditasiya sohasini o‘zgartirish 
Akkreditasiya sohasini o‘zgartirish to‘g‘risidagi qaror muvofiqlikni baholash 
organi akkreditasiya sohasini kengaytirishni yoki qisqartirishni so‘rab ariza bergan 
taqdirda, Milliy akkreditasiya organi tomonidan qabul qilinadi. 
Muvofiqlikni baholash organining akkreditasiya sohasini kengaytirish u 
bilan kelishilgan muddatlarda akkreditasiya qoidalari va tartib-taomillariga 
muvofiq amalga oshiriladi. 
Akkreditasiya sohasini qisqartirish bo‘yicha qaror muvofiqlikni baholash 
organi qonun hujjatlarida belgilangan talablarga rioya etmagan taqdirda, Milliy 
akkreditasiya organi tomonidan inspeksiya nazorati natijalariga ko‘ra qabul 
qilinishi mumkin. 
Akkreditasiya sohasini o‘zgartirish to‘g‘risidagi qaror ustidan Milliy 
akkreditasiya organi to‘g‘risidagi nizomda belgilanadigan tartibda shikoyat 
qilinishi yoxud sudga shikoyat qilinishi mumkin.

---

85 
Akkreditasiya to‘g‘risidagi guvohnomaning amal qilishini to‘xtatib turish 
Inspeksiya nazorati davomida aniqlangan nomuvofiqliklar bartaraf 
etilmagan taqdirda, akkreditasiya to‘g‘risidagi guvohnomaning amal qilishi 
to‘xtatib turilishi mumkin. 
Akkreditasiya to‘g‘risidagi guvohnomaning amal qilishini to‘xtatib turish 
Milliy akkreditasiya organi yoki sud tomonidan amalga oshiriladi. Akkreditasiya 
to‘g‘risidagi guvohnomaning amal qilishi Milliy akkreditasiya organi tomonidan 
o‘n ish kunidan ko‘p bo‘lmagan muddatga, sud tomonidan esa, o‘n ish kunidan 
ko‘p bo‘lgan muddatga to‘xtatib turilishi mumkin. 
Milliy akkreditasiya organining akkreditasiya to‘g‘risidagi guvohnomaning 
amal qilishini to‘xtatib turish haqidagi qarori muvofiqlikni baholash organiga qaror 
qabul qilingan kundan e’tiboran uch kundan kechiktirmasdan yozma shaklda 
yetkaziladi. Sudning akkreditasiya to‘g‘risidagi guvohnomaning amal qilishini 
to‘xtatib turish haqidagi hal qiluv qarori muvofiqlikni baholash organiga va Milliy 
akkreditasiya organiga qonun hujjatlarida belgilangan muddatlarda yetkaziladi. 
Muvofiqlikni baholash organi akkreditasiya to‘g‘risidagi guvohnomaning 
amal qilishini to‘xtatib turishga olib kelgan holatlarni bartaraf etgan taqdirda, 
akkreditasiya to‘g‘risidagi guvohnomaning amal qilishini to‘xtatib turish haqida 
qaror qabul qilgan Milliy akkreditasiya organi yoki sud mazkur holatlar bartaraf 
etilganligi haqidagi tasdiqni olgan kundan e’tiboran o‘n kun muddat ichida 
akkreditasiya to‘g‘risidagi guvohnomaning amal qilishini qayta tiklash haqida 
qaror qabul qilishi shart. 
Milliy akkreditasiya organining akkreditasiya to‘g‘risidagi guvohnomaning 
amal qilishini to‘xtatib turish haqidagi qarori ustidan sudga shikoyat qilinishi 
mumkin. Akkreditasiya to‘g‘risidagi guvohnomaning amal qilishini to‘xtatib turish 
sud tomonidan asossiz deb topilgan taqdirda, Milliy akkreditasiya organi 
muvofiqlikni baholash organi oldida u ko‘rgan zarar miqdorida javobgar bo‘ladi. 
Akkreditasiya to‘g‘risidagi guvohnomaning amal qilishi to‘xtatib turilganligi 
va qayta tiklanganligi haqidagi ma'lumotlar ommaviy axborot vositalarida e’lon 
qilinishi lozim.