Муаллифлар: Ходиев Б. Ю., Бегалов Б. А., Расулев Д. М., Абидов

Ахборотни кодлаштириш.
Ахборотни хабарга айлантириш усулларидан 
бири – уни моддий ташувчи воситасига ёзишдир. Бундай ёзиш жараёни 
кодлаштириш, деб юритилади. 
Агар компьютер техникасидан фойдаланиш учун мўлжалланган моддий 
ташувчилардан фойдаланилса, у ҳолда маълумотлар билан ишлашга тўғри 
келади. Бу ҳолда ахборотни сақлаш, қайта ишлаш, узатиш ва киритишни 
автоматлаштириш мақсадида уларни шартли белгиларга айлантириш 
ахборотларни 
кодлаштиришни
англатади. 
 
 
1.1.4.Маълумотлар. Ахборот жиҳатлари 
Маълумотлар.
Ахборот истеъмолчига етиб боргунча бир қатор ўзгариш-
ларга учрайди. Оралиқ босқичларда хабарнинг моҳиятига кўра хусусияти 
иккинчи даражага тушиб қолади, натижада «ахборот» тушунчаси нисбатан 
чекланган «маълумотлар» тушунчаси билан алмаштирилади. Шунинг учун 
ҳам маълумотларни ахборотнинг компьютердаги тасвири деб айтиш мумкин. 
Маълумотлар бир-бири билан ўзаро боғланган далил ва рақамлар, 
фикрлар тўпламини ифодалайди. Ахборот ва маълумотлар ўртасидаги фарқ 
таъкидланмайдиган ҳолларда улар аноним сифатида ишлатилади. 
Ҳужжат, ҳужжат айланиши
. Ахборот тизими доирасида ҳар қандай 
ташкилот ҳужжат ва ҳужжат айланиши ишига дуч келади. 
Ќужжат 
– бу 
маълум бир қоидага кўра расмийлаштирилган, белгиланган тартибда 
тасдиқланган қоғоз, овоз ёки электрон шаклдаги ахборот хабаридир. 
Ќужжат айланиши
– ҳужжатларни яратиш, изоҳлаш, узатиш, қабул қилиш 
ва архивлаштириш, шунингдек уларнинг ижросини назорат қилиш ҳамда 
уларни рухсатсиз фойдаланишдан ҳимоялаш тизимидир. 
Ахборот жиҳатлари
. Ахборотни учта асосий жиҳатдан кўриб чиқиш 
мумкин, яъни, прагматик, семантик ва синтаксис томонидан. Ахборотни айнан 
шу жиҳатдан кўриб чиқиш автоматлаштирилган ахборот тизимини 
лойихалаштиришда муҳим аҳамиятга эга.