O‟rmonov N. T., Ismailov A. R

 
 
14.3. Kengashining a‟zolarini saylash jamiyat kuzatuv kengashining 
a‟zolarini saylash 
Jamiyat kuzatuv kengashining a‘zolari Aksiyadorlarning umumiy yig‗ilishi 

---

220 
tomonidan bir yil muddatga saylanadi. Jamiyatning kuzatuv kengashi tarkibiga 
saylangan shaxslar cheklanmagan tarzda qayta saylanishi mumkin. Jamiyat 
boshqaruvi a‘zolari jamiyatning kuzatuv kengashiga saylanishi mumkin emas. 
Ayni shu jamiyatda mehnat shartnomasi (kontrakt) bo‗yicha ishlayotgan shaxslar 
jamiyatning kuzatuv kengashi a‘zosi bo‗lishi mumkin emas. Jamiyatning kuzatuv 
kengashi tarkibiga saylanadigan shaxslarga nisbatan qo‗yiladigan talablar jamiyat 
ustavida yoki Aksiyadorlarning umumiy yig‗ilishi tomonidan tasdiqlangan 
Aksiyadorlar umumiy yig‗ilishi to‗g‗risidagi nizomda belgilab qo‗yilishi mumkin. 
Jamiyat Aksiyadorlariga jamiyat kuzatuv kengashi tarkibiga bittadan kam 
bo‗lmagan mustaqil a‘zo kiritilishi taklif qilinadi. Quydagilar jamiyat kuzatuv 
kengashining mustaqil a‘zosi bo‗lishi mumkin: 
- so‗nggi besh yil mobaynida jamiyat, uning sho‗‗ba va affillangan 
korxonalarida ishlamagan shaxslar; 
- jamiyat, uning sho‗‗ba va affillangan korxonalari Aksiyadori bo‗lmagan 
shaxslar; 
- jamiyat, uning sho‗‗ba va affillangan korxonalari bilan qonun hujjatlarida 
belgilangan eng kam ish haqining besh ming baravari miqdoridan yuqori summaga 
tegishli shartnomaga ega bo‗lgan yirik mijozlari yoki mol etkazib beruvchilari 
bilan bog‗liq bo‗lmagan shaxslar; 
- jamiyat, uning sho‗‗ba va affillangan korxonalari bilan xizmat ko‗rsatish 
yuzasidan shartnomaga ega bo‗lmagan shaxslar; 
- jamiyat, uning sho‗‗ba va affillangan korxonalari rahbarlari bo‗lgan yoki 
so‗nggi besh yil mobaynida shunday lavozimlarda ishlagan shaxsning oila a‘zosi 
bo‗lmagan shaxslar; 
- jamiyatni nazorat qiluvchi shaxs (yoki jamiyat ustidan jamoa tarzida nazorat 
olib boruvchi guruh va/yoki tashkilot a‘zosi) bo‗lmagan shaxslar; 
- jamiyat bilan fuqarolik-huquqiy shartnom orqali bog‗liq bo‗lmagan va 
jamiyatning sohasi bo‗yicha yuqori turuvchi tashkiloti (kompaniya) yoki yirik 
Aksiyadorining xodimi bo‗lmagan shaxslar.Jamiyatning kuzatuv kengashi a‘zolari 
saylovi kumulyativ ovoz berish orqali amalga oshiriladi. Kumulyativ ovoz 

---

221 
berishda har bir Aksiyadorga tegishli ovozlar soni jamiyatning kuzatuv kengashiga 
saylanishi lozim bo‗lgan shaxslar soniga ko‗paytiriladi va Aksiyador shu tariqa 
olingan ovozlarni bitta nomzodga to‗liq berishga yoki ikki va undan ortiq 
nomzodlar o‗rtasida taqsimlashga haqli. Eng ko‗p ovoz to‗plagan nomzodlar 
jamiyat kuzatuv kengashining tarkibiga saylangan deb hisoblanadi. Davlat vakili 
lavozimiga ko‗ra jamiyat kuzatuv kengashining a‘zosi bo‗ladi, u Aksiyadorlarning 
umumiy yig‗ilishi tomonidan saylanmaydi (qayta saylanmaydi). 
O‗zbekiston Respublikasi «Aksiyadorlik jamiyatlari va Aksiyadorlarning 
huquqlarini himoya qilish to‗g‗risida»gi Qonunning 8 bobiga asosan balans 
qiymati yoki olish qiymati bitim tuzish to‗g‗risida qaror qabul qilinayotgan sanada 
jamiyat sof aktivlari miqdorining o‗n besh foizidan ellik foizigachasini tashkil 
etuvchi mol-mulk xususida yirik bitim tuzish to‗g‗risida qaror qabul qilish; 
O‗zbekiston Respublikasi «Aksiyadorlik jamiyatlari va Aksiyadorlarning 
huquqlarini himoya qilish to‗g‗risida»gi Qonunning 9-bobiga asosan jamiyatning 
affillangan shaxsi bilan bitim tuzish to‗g‗risida qaror qabul qilish; 
- jamiyatning tijorat va notijorat tashkilotlardagi ishtiroki bilan bog‗liq 
bitimlarni qonun hujjatlarida belgilangan tartibda tuzish; 
jamiyatning korporativ obligatsiyalarini qaytarib sotib olish to‗g‗risida qaror qabul 
qilish; 
jamiyatning ustav fondini (ustav kapitalini) ko‗paytirish masalalarini, shuningdek 
jamiyat ustaviga jamiyatning ustav fondini (ustav kapitalini) ko‗paytirish hamda 
jamiyatning e‘lon qilingan Aksiyalari sonini kamaytirish bilan bog‗liq o‗zgartish 
va qo‗shimchalar kiritish to‗g‗risidagi masalalarni hal qilish; 
- qimmatli qog‗ozlarni chiqarish to‗g‗risidagi qarorga va risolaga o‗zgartirish 
va (yoki) qo‗shimchalar kiritish to‗g‗risidagi masalalarni hal qilish; 
- O‗zbekiston Respublikasi «Aksiyadorlik jamiyatlari va Aksiyadorlarning 
huquqlarini himoya qilish to‗g‗risida»gi Qonunning 34-moddasiga muvofiq 
Aksiyalarni joylashtirish (qimmatli qog‗ozlarning birja bozoriga va uyushgan 
birjadan tashqari bozoriga chiqarish) narxini belgilaydi.