Ўзбекистон республикаси ҳисоб палатаси

3.1.3
 
Фойда солиғи 
Фойда солиғи ставкасини 15 фоиз миқдорида ва дивидендлар 
кўринишидаги даромадлар бўйича солиқ ставкаси 5 фоиз миқдорида сақлаб 
қолинмоқда. 
Киритилаётган ўзгартиришларга мувофиқ амортизациянинг йиллик энг 
юқори нормасини қуйидагича белгилаш таклиф қилинмоқда, жумладан: 
- бинолар учун 3 фоиздан 5 фоизгача; 
- иншоотлар учун 5 фоиздан 10 фоизгача; 
- узатиш қурилмалари, куч машиналари ва асбоб ускуналари учун 
8 фоиздан 15 фоизгача; 
- фаолият турлари бўйича иш машиналари ва асбоб-ускуналар учун 
15 фоиздан 20 фоизгача; 
- компьютер, маълумотларни қайта ишлаш ускуналари учун 20 фоиздан 
40 фоизгача оширилмоқда. 
Янги технологик ускуналар учун йўналтирилган маблағлар суммасига 
инвестициявий чегирма миқдорини 10 фоиздан 20 фоизгача, ишлаб чиқаришни 
янги қурилиш шаклида кенгайтириш учун эса 5 фоиздан 10 фоизгача ошириш 
таклиф этилмоқда. 
Шунингдек, “Навоий кон-металлургия комбинати” ДК ва “Олмалиқ кон-
металлургия комбинати” AЖ учун солиқ солиш базасининг, товар (иш, 
хизмат)ларни реализация қилишдан тушган тушумни 15 фоизига тенг миқдордан 
ошган қисми учун қўлланилган оширилган фойда солиғи ставкасини амалдаги 
75 фоиздан 70 фоизга пасайтириш белгиланмоқда. 
Фойда солиғи бўйича фаолият натижасида кўрилган зарарларни солиқ 
давридан кейин ўн йил мобайнида келгусига ўтказиш тартибини сақлаб қолган 
ҳолда, жорий солиқ даври солиқ базасининг 60 фоизидан ошиб кетмаслик бўйича 
талаб бекор қилинмоқда. 
Тавсия: 
Киритилаётган ўзгартиришларга мувофиқ амортизациянинг йиллик энг 
юқори нормасини ўзгартирилиши (оширилиши) хўжалик юритувчи 
субъектларда танланган ҳисоб сиёсати доирасида фойда солиғини ҳисоблашда 
фойдаланиши акс эттирилган бўлиб, бухгалтерия ҳисобини юритишда қўлланиб 
келинаётган амортизация нормаларини жорий усулларда сақланиб қолиниши 
ёки улардаги ўзгаришлар тўғрисида қўшимча маълумотлар берилмаган. 
Келгусида, амалиётда бухгалтерия ҳисобни юритишда кўп сонли саволлар 
ёки муаммоларни келиб чиқишини олдини олиш мақсадида, хўжалик юритувчи 
субъектлар ва бюджет ташкилотларида танланган ҳисоб сиёсати доирасида 

---

13 
бухгалтерия ҳисобини юритишда қўлланилаётган амортизация нормаларидаги 
ўзгаришлар ёки уларни жорий усулларда сақланиб қолиниши тўғрисида 
жамоатчиликка батафсил маълумот (ахборот)лар берилиши лозим.